1612/2023-2024

Aizawl 23rd August, 2023: Vawiin khan Pu Isaac C. Lalrempuia, MCS, Addl. DC Aizawl hovin Aizawl DC Office chamber-ah kumin zirtirtute ni hman dan tur relin Aizawl District Level Working Committee on National Foundation for Teacher’s Welfare thutkhawm a ni.

Meeting-ah hian Teachers’ Day 2023 chu Aizawl District level huap programme buatsaih loh mai nise tih niin school zawng zawngte’n anmahni remchan dan angin an school hmunah zirtirtute ni hi hman ni se tih a ni a. Zirtirtute ni pual programme-ah hian zirtirtu, National leh State Awardee te an remchan dana sawm turin School enkawltute ngen ni se tih a ni bawk.

Meeting-ah hian NFTW fund collection chungchang sawiho niin State level-in a lo rel tawh NFTW Fund zirtirtu zawng zawngte’n an thawhkhawm thin chu ₹ 200 a tihpun rawtna chu tha tih a ni a. Membership list fel taka record nei a, a copy hi DEO leh concern SDEO-ah thehlut thin ni se tih a ni bawk. Zirtirtute ni puala zirtirtute chawimawina standee leh banner tar thin pawh kum danga an lo tar thinna hmunah leh Millennium Centre-ah tar belh turin hmalak ni se tih a ni bawk.

Vawiin meeting-ah hian DEO, SDEO, IPRO, bakah HISSLAM, MISSTA, MSTA, MPTA, MISA, MIGAHTA, MDMSA, W/E Teachers’ Association leh High School leh Middle School Hindi Teachers Association aiawhte an tel a ni.