No.821/2021-2022

Aizawl 5^th June 2021: Aizawl District bawrhsap Dr Lalhriatzuali Ralte chuan a hnuaia tarlan ang hian Aizawl Dinthar Veng hmun thenkhatah Containment Zone a puang

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a. 

Chuvangin, Regulation 11(1) of the Mizoram Epidemic Diseases (COVID19) Regulations, 2020 behchhanin a hnuaia veng/hmun tarlan te hi  ni 5.6.2021 tlai dar 4:00 atangin Containment Zone-ah puan a ni. 

 Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No. 16011/298/2020-DC(A)/Lockdown dt. 6.5.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni. 

 Dinthar : i) Vanapa Section :

Pu K.Rozawna in atanga Pu Lalzuithanga  (Ex-VCP) in bul step chin- Aichhinga Road chunglam zawng.

ii) Zampuimanga Section: 

Pu P. Kaphranga in atanga Anganwadi Centre- I, kawngpui an zawng, Pu Hruaikhawma in huam telin.

iii) Zampuimanga leh Taitesena Section: 

Pu Chawnthiauva in atanga Pu Z.D Zakhuma in huam telin leh Seventh Day Adventist Biak in atanga Pu H.Zahnuna (L) building chin inkar zawng. (Pu K. Zoliana kawmthlang kawng phei hnuailam zawng). 

Heng Containment Zone/Area chhunga khawsa, harsatna neite tan a hnuaia mite hi biakpawh theih a ni ang.