223/2025-2026

Aizawl dated 17th April 2025: Vawiin chawhnu khan Aizawl DC Office Meeting Room-ah Er Lalhriatpuia IAS, Deputy Commissioner kaihhruaiin thenawm state Manipur atanga ui leh a sa lakluh khapna thupek, District Magistrate in a lo tihchhuah tawh bawhzuiin thutkhawmna neih a ni a. Aizawl District huam chhung a Local Council leh Village Council te kaltlang a ui â hri danna vaccine la leh la lo awm dan dinhmun lakkhawm leh vaccine la la lo te hnen a pek dan tur ruahmanna siam a ni. 

He thutkhawmah hian April thla atanga Sawrkar atang leh private clinic atanga vaccine pekchhuah dan report ngaihthlak a ni a. Rabies hri awm dan leh a thawh dan te, a in kaichhawn dan te ngaihthlak a ni a. Tun dinhmun ah Aizawl District ah ui â natna kai finfiah a la awm loh thu ngaihthlak a ni a.

Meeting ah hian, hun lo kal zel tur ah Aizawl district a mihring leh ran te, he hri laka an him theih nan hmalakndan tur rel a ni a. Manipur border check gate ah Police leh AH&Vety Dept mithiamten endikna kalpui tur a rel a ni a. May thla chhunga rabies hri danna vaccine a tam thei ang ber pe tura hmalak dan tur sawi ho a ni a. Mipui hnen ah he hri awm dan leh inven kawng a hriattur pawimawh inzirtirna uar zawk a kalpui tur a rel a ni bawk.

Meeting ah hian Aizawl SP ,AH&Vety,AMC leh CYMA, Aizawl City LC, VC Association leh NGO JB Foundation aiawh te an tel a ni.