2576/2025-2026

Aizawl the 9th December, 2025 : Aizawl - Durtlang - Lungdai - Kawnpui Road a CRIF Scheme Improvement hna thawh kal mekah Sihphir Venghlun khawchhung kawng siam hna thawh tan mek a ni a. Chuvangin, hnathawktu ten tluang tak leh ngawrh taka hna an thawh theih nan leh Sr. EE, PWD, Aizawl Road North Division in a rawn dil ang in Pu Zosangliana, Superintendent of Police, Aizawl District, a hnuaia hming sign tu hian Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek ang in he kawng a lirthei tlan dan tur a hnuai ami ang hian thupek a chhuah.

1. Dt.09.12.2025 (Tuesday) zing dar 9:00 AM atanga Dt.21.12.2025 (Sunday) zing dar 9:00 AM thleng hian Hmar lam atanga Aizawl lam pan turte chu Arpu veng atangin Rinchhan vengah chhuk thlak tur a ni.
2. Dt.09.12.2025 (Tuesday) zing dar 9:00 AM atanga Dt.21.12.2025 (Sunday) zing dar 9:00 AM thleng hian Aizawl atanga Hmar lam pan turte chu Selesih kawn tangin bypass road ah, Sihphir Kawn venga chhuak tura kal tur a ni.
3. A chunga kan sawi tak kawngah te khian LMV chin leh a hnuailam te an tlan thei anga, 407 leh a chunglam (HMV) te chu NEH08 Sairang - Aizawl Road ah tlan tur a ni.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang. Hnathawhna hmun paltlang lirthei veivak lo enkawl chu PWD te mawhphurhna a ni ang. He thupek bawhchhia chu u/s 179 Motor Vehicles Act, 1988 hmanga hrem theih an ni ang.