3989/2022-2023 

Aizawl the 25th March 2023 : Nimin 24/3/2023 (Zirtawpni) khan Aizawl E-II bialtu MLA & Tourism Minister ni bawk chuan a bial chhunga Armed Veng M.H.I.P member-te chu Thenzawl Golf Resort leh Thenzawl Dilpui te enpuiin intihhlimna an nei a. M.H.I.P Members 250 chuang telin an hlim hle.

He hunah hian function tawi neiin Armed Veng M.H.I.P Secretary Pi Lalsangliani'n kaihruaiin, Armed Veng M.H.I.P aiawha thusawitute chuan an bialtu MLA & Minister Pu Robert Romawia Royte te chhungkuain an hmuh chak em em Thenzawla hmun pawimawhte an hmuhpui avanga lawmthu sawiin an tukṭhuan ei tur leh zanriah thlenga an buatsaihsak bakah sumfai Rs 500/- ṭheuh an pai avangin an lawm a, an duhsakna avanga an lawmthu an sawi a ni.

M.H.I.P te hi Bialtu MLA Pu Robert Romawia Royte pawhin Lunglei aṭangin zanriah a va kilpui ve bawk a, M.H.I.P te an lawm hle a ni.

Aizawl E-II bialtu MLA Pu Robert Romawia Royte hian a hmain Dawrpui M.H.I.P, Armed Veng South M.H.I.P, Chhinga Veng M.H.I.P leh Aizawl East II Area M.U.P te Thenzawlah hian a lo hruai tawh bawk a ni.