3988/2022-2023 

Mamit 25th March, 2023 : Nizan khan Lengpui Community Hall-ah Football hmanga inelna Mamit Constituency MLA Cup chu Er. H. Lalzirliana, Mamit Bialtu MLA, Vice Chairman, Road & Infrastructure Development Board chu khuallian niin a Kick off.

Khuallian chuan fuihna thu sawiin ze nghet tak leh mi puitling zia neih a pawimawh a, mihring nunkawngah hian hlawhtling turin teirei peihna leh a tawp thlenga beihzui a ngai a, eng line pawh nise a tawp thlenga bei thinte chauhin hlawhtlinna an chang thin a ni a ti. Sports-ah Mizoramin hma a sawn a, infiammi te tan kan la hmuh ngai loh infiamna hmun tha tak tak sorkar-in a din thar nasa hle a, chungte chu chhawr tangkai turin thalaite a chah a. 

Khuallian chuan tum mumal tak nei chung leh mahni inhrechiang tak chunga hmalam pan zel tura thalaite chu fuihin Covid-19 boruak hreawm tak karah Mizoram Sorkar chuan infiammi te tan theihtawp a chhuah a, a hlawhtlinna kan hmu mek zel a ni a ti bawk. 

Khualzahawm S. Malsawmtluanga chuan Professional footballer ni tura a zinkawng harsa tam takte thalaite chu hrilhin kan seilenna chu eng ang chhungkua pawh nise, kan nih tumah kan chian a, kan thawhrim phawt chuan eng thil mahin min dang thei lo a, hlawhtlinna chu mi thawkrim apiangte chan tur a ni a ti.

Mamit Constituency MLA Cup-ah hian Team 24 telin MLA Cup thupui atan infiamna hmanga inpumkhatna tih chu hman a ni. 

MLA Cup 2023 Kick off programme hi Pu Franco Malsawmzuala, Organising Chairman chuan kaihruaiin, Tv. Joel Lalramdinmawia Organising Secretary chuan technical report a pe a, Fixture tlangzarhna Pu Rohmingthanga, President, GSA Lengpui chuan neiin, Pu VLR Thlamuanpuia Treasurer, GSA Lengpui chuan lawmthu sawina a nei a ni.

Attachment

  • Loading attachment...