2816/2025-2026

Dated Aizawl the 7th January, 2026 : Minister Pu B. Lalchhanzova, Aizawl East-II bialtu MLA ni bawk chuan vawiin khan MINECO-a a Office Chamber-ah a bial chhunga infiamna hmun tihchangtlun nan MLA Fund atangin pawisa fai a pechhuak a. Chhinga Veng Branch YMA Gym tihchangtlun nan Rs. 7,00,000 Chhinga Veng Branch YMA hruaitute hnenah a hlan a, Dawrpui Badminton Hall tihphuisui nan Rs. 2,68,000 Dawrpui Badminton Club hruaitute hnenah a hlan bawk a ni.

Minister Pu B. Lalchhanzova chuan he hunah hian thalaite infiamna a ngaih pawimawh thu sawiin, Mizo thalaite’n infiamna lamah hma an sawn zel chu lawmawm a tih thu sawi a. Ram dangte hriat theiha Mizo hnam ti hmingthatu Mizo infiammi an awm thin chu ropui a tih thu a sawi a. Thalaite’n infiamna leh insawizawina lamah hma an sawn zel theih nan theihtawp chhuah zel a tum thu a sawi bawk.

He hunah hian Chhinga Veng Branch YMA hruaitu leh Dawrpui Badminton Club hruaitute chuan Thalaite hmakhua ngaihsaktu MLA an nei chu lawmawm an tih thu an sawi a. MLA Fund atanga tanpuina an dawn chu bial chhung mipuite’n tangkai taka an hman ngei theih nan hma an lak tur thu an sawi bawk a ni.