2815/2025-2026

Siaha, 7th January, 2026 : Vawiin khan 77th India Republic Day- lawmdan tur chungchang rela thutkhawm DC Mini Conference Hall-ah neih a ni a. Pu VL. Hruaizela Khiangte District Bawrhsap chuan thutkhawm hi a kairhuai.

Pu VL. Hruaizela Khiangte chuan kalkhawmte hnena lawmthu sawina nei hmasain, Siaha mipuite kum thar chibai bukna a nei a. Kum tharah rilru thar pu a, thahnem ngai leh theihtawp chhuaha mipuite tak hnathawk turin Siaha District - chhunga sawrkar hnathawkte a sawm nghal bawk.

Thutkhawmah thil tul hrang hrang ngaihtuah a ni a, Republic Day-  ni a hun hman dan tur hrang hrang,  department hrang hrang bakah mimal mawhphurhna ruat fel a ni. 77th India Republic Day-  lawmna hi SDFA Playground, Meisatlaah hman tura rel niin, dar 10: 00 AM ah tan tura rel a ni a. VIP at home-  chu  DC Bungalow-  a hman tura ruahman niin Dar 12:00 PM  ah tan a ni ang. Thutkhawm  chuan Kohhran hrang hrangte hnenah '77th India  Republic Day' puala tawngtai rualna nei tura ngenna siam ni se an ti bawk ani.