134/2022-2023 
Aizawl, the 22nd December, 2022: Aizawl East-II Bialtu MLA Pu Robert Romawia Royte te nupa chuan Armed Veng South area hmun hniha rawra chhua eizawng  chhungkaw 53 te chu an hnathawhna hmunah kalchilhin cheng 2000 theuh Krismas chibai buk nan an hlan. Rawra chhutute hi Armed Veng South leh Tuithiang Veng a mite an ni.

Pu Robert Romawia Royte chuan Rawra chhua eizawngte chu rim leh hah taka nitin hna an thawk chungin, an sum hlawhchhuah a tam thei lo chu pawi a tih thu a sawi a. Tam tak pe thei lo mahse, lawm takin Krismas chibai an  buk thusawiin  rawra chhua eizawngte hi duhsakna thilpek a hlan a ni.

Rawra chhutute chuan thla khat chhunga an sum lakluh chu a beitham hle thu an sawi a, an bialtu Minister Pu Robert Romawia Royte te nupa in Krismas thilpek cheng 2000 theuh an pe chu an tan a hlu takzet a ni tih an sawi bawk.

Minister hi a nupui Pi Lalrampari Hnamte leh Armed Veng South LC Member ten an tawiawm a ni.



Attachment

  • Loading attachment...