No.2827/2021-2022
Aizawl, the 1st November 2021 : Sawrkarin ni 1.11.2021 leh 30.11.2021 inkara AMC Area leh Mizoram chhung hmun danga hman tur COVID-19 inkaihhruaina thupek a chhuah bawhzuiin vawiin khan Senior Superintendent of Police Traffic chuan Aizawl khawpui (AMC area) chhunga ni 1.11.2021 atanga ni 30.10.2021 zan lai dar 12:00 thlenga lirthei tlan dan chungchanga thupek chhuahin ruahmanna a siam a, lirthei tlan dan tur leh a huam chin leh huam loh chin tur te chu a hnuai tarlan a ni.

LIRTHEI TLAN DAN TUR LEH A HUAM CHIN TUR TE

1. Intlanchhawk hian mimal motor, Sorkar motor leh bungraw phur lirthei zawng zawng a huam ang. Hei hian District dang lirthei leh State pawna lirthei register te a huam ang.

2.   Lirthei registration number tawp ber te tlanchhuah theihloh ni chu hetiang hi a ni ang -

3. Lirthei intlanchhawk hian Inrinni (Saturday), Pathianni (Sunday) leh Sorkar Holiday-te a huam lovang. Heng ni ah te hian lirthei zawng zawng an tlan thei ang-    

4. Taxi bik chu Sticker A, B leh C hmanga intlanchhawk kalpui mek ang hian Zing Dar 9:00 AM atanga Tlai Dar 6:30 PM inkar an intlanchhawk ang.

Inrinni (Saturday) bikah Chawhnu Dar 1:00PM atangin Taxi-te hi an vaia tlanchhuah phalsak an ni. Pathianni (Sunday) leh Sorkar Holiday ah pawh Taxi-te hi an vai a tlanchhuah phalsak an ni.

5. Two Wheeler Taxi te chu Sticker A, B, C, D leh E hmanga an tlan dan tur (Routine) a siam angin ni khat ah Group thum (3) an tlan anga, tlan thei tur tarlan bak sticker dang bel te chu he mi ni hian nilengin tlan chhuah phal a ni lo. Pathianni (Sunday) ah chuan an vai in an tlan thei ang.

6. Aizawl City Bus te chu Aizawl City Bus Owners Assosciation (ACBOA) in routine an siam angin an tlan thei ang.

7. Sawrkar Order angin lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh ten mask/hmai tuamna an vuah vek tur a ni. Passenger-te hman tur hand sanitizer an pai reng tur a ni.

8. Lirthei intlanchhawk hian Zing dar 9:30 atanga tlai dar5:00 thleng a huam ang.

9. Lirthei eng chi mah phalna neilo te chu Curfew hun chhung (9:00 PM to 4:00 AM) in kar ah tlan phal a ni lo.

A HUAMLOH TUR TE

1. Governor, Chief Minister, Speaker (an carcade tiamin) leh MLA-te.
2. Gauhati High Court Judge te.
3. Home Department (Police, Fire & Emergency Services, MRHG&CD, Prisons, FSL), Excise & Narcotics duty, Medical & Hospital Emergency duty, PHE/PWD/P&E Emergency duty, PHE Tuisem, Ambulance/Morgue van, Executive Magistrate law and order duty, Print & Electronic Media-a thawkte, Army leh Para-Military Force, Government Department/Office Despatch Rider-te, AMC hnuaia Bawlhhlawh paih motor, Rualbanlote tana Special Vehicle, Bawnghnute sem, Chanchinbu sem.
4. Public service vehicle (passenger phur chi lirthei) City Bus/ Bus, Maxi Cab/ Sumo (State dang registered huamin), Auto Rickshaw, Institution Bus, Department Bus.

He thupek zawmlo man te chu Section 179 MV Act, 1988 leh Section 5(9] of TheMizoram(Containment and Prevention of the spread of Covid-19) Act, 2020" hmanga hrem an ni ang.