No.2826/2021-2022
Aizawl the 1st November, 2021: Election Commission of India thu angin 01/01/2022 tehfunga hmangin Special Summary Revision of Electoral Rolls, 2021 chu neih tan niin vawiin khan Lunglei DC Conference Hall-ah DC & DEO Pu Kulothungan A chuan Assembly Constituency paruk (6) awmna Lunglei District Draft Roll 2021 a tlangzarh. Election Commission of India-in ruahmanna a siam angin Final Electoral Roll hi 15th January, 2022 (Saturday) ah tlangzarh a ni ang.

Lunglei DC & DEO Pu Kulothungan A chuan Lunglei District Draft Electoral Roll a hun taka peih fel tura buaipuitu election kaihhnawih official-te thahnemngaihna leh thawhrimna chu fakawm a tih thu a sawi a. India khua leh tui vote nei thei chin kan nih chuan vote thlak hi kan dikna chanvo leh kan mawhphurhna pawimawh tak a ni tiin kum tling tharte leh midang roll a hming la thun lut lo te pawh he Summary Revision hun chhung hian inziak lut ngei turin a sawm a. Election kaihhnawih hmalakna hrang hrang a bik takin electoral roll dik leh felfai kan neih theihna tura hmalakna ah te official-te, NGO-te leh khawtlang hruaitute thahnemngaihna a fakawm takzet a ni tiin Lunglei DC hian thawhho pui zelah a sawm a. Political party-te pawh polling District chhunga station tinah booth level agent (BLA) ruat ngei turin a chah bawk a ni.

Voter Helpline App chungchang pawh sawiin Lunglei DC chuan he application kaltlang hian dilna form hrang hrang awlsam taka thehluh theih vek anih thu leh Lunglei District mipuiten uar zawka he application hi lo hmang tangkai tura a duh thu a sawi a.

Draft Electoral Roll in a tarlan dan in Lunglei District-ah voter 95,213 (mipa – 47,327, hmeichhia – 47,886) an awm a, Assembly constituency pali – Lunglei North, Lunglei East, Lunglei West leh Lunglei South ah te hmeichhe voter an tam zawk a ni. Assembly Constituency hrang hrang dinhmun chu hetiang hi a ni:

Special Summary Revision of Electoral Rolls, 2021 atana Election Commission of India (ECI) hun bituk chu hetiang hi a ni:

Vawiin Draft Electoral Roll tlangzarhna programme-ah hian election lam kaihhnawih sawrkar official te bakah Political Party hruaitute, MJA hruaitute leh tlawmngai pawl aiawhte an tel a ni.