UD &PA Minister Pu Zodintluanga chuan Aizawl khawpui cheibawl leh kawngpui chep zual deuh deuh te chu tihzauh tumin sorkarin hma chak takin a la a, chhunzawm zel pawh tum a ni, a ti. Tukin zinga Vaivakawn kawngpui chep lai senghawi nana mimal pahnih in thiah hna bultan a tawiawmnaah he thu hi a sawi a. UD&PA Minister chuan Vaivakawn leh Mizoram University inkar kawngpui chei leh tihzauh theih lai apiang zauh turin Mizoram sorkar chuan sum a nei fel tawh a, tender chhuah thuai tur a ni ang tiin Ramrikawn leh Sihhmui inkar kawngpui Metre 10 laia zau siamna tur sum pawh neih fel vek a ni tawh, a ti.

Pu Zodintluanga chuan Vaivawkawn pengthuam lun tak atanga Luangmual panna te, Kanan leh Seventh Day tlang panna te pawh rawt hniama zau taka siam turin ruahmanna kalpui mek a nih thu te, rethei dawm chhuahna tur hmalakna lian tham tak kalpui bakah hmasawnna ruhrel siamin Mizoram sorkar chuan chak taka hma a lak hi mipui mimirin thlawpin tawiawm thiam zel se a duh thu a tarlang a ni.