2078/2023-2024
Mizoram State Sorkar Office Memorandum vide memo No. F.23012/4/2013-GAD Dt.26.9.2023 anga Sorkar Office hun thlasik hun chhung atana a chhuah tlawhchhanin, Mizoram State Sawrkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angin, Senior Superintendent of Police, Traffic chuan Public Notice Vide No. RO/TRF/SP-Noti-7/08/1382 Dt.17.2.2023-a Aizawl khawpui chhunga lirthei intlan chhawk dan tur a lo chhuah tawh chu Thlasik hun chhung 3rd October, 2023 to 16th February, 2024 atan a hun (timing) a hnuaia mi ang hian thlak danglam a ni tih thupek a chhuah.
Lirthei zawng zawng (mimal motor, Sorkar motor leh bungraw phur lirthei leh District dang lirthei leh State pawna lirthei register te pawh huamin) intlanchhawk hian Zing dar 9:30 AM atanga Tlai dar 5:00 PM thleng a huam ang. Lirthei intlanchhawk hian Pathianni (Sunday) leh Sawrkar Holiday a huam lovang.
Taxi (LMV leh Two Wheeler) te chu Sticker A, B leh C hmanga intlanchhawk kalpui mek ang hian Zing Dar 9:30 AM atanga Tlai Dar 5:00 PM inkar an intlanchhawk ang. Inrinni (Saturday) bikah Chawhnu Dar 1:00PM atangin Taxi (LMV leh Two Wheeler)-te hi anvaia tlanchhuah phalsak an ni. Tin, Pathianni (Sunday) leh Sorkar Holiday ah pawh Taxi (LMV leh Two Wheeler)-te hi anvai a tlanchhuah phalsak an ni.
