2748/2025-2026

Aizawl the 22nd December, 2025 : Section 115 of MV Act, 1988-in thuneihna min pek ang leh ni 9.12.2025-a Co-ordination Committee on Traffic Management (CCTM) Meeting-in a rel angin Aizawl khawpui chhunga lirthei intlan chhawk dan tura Public Notice No.RO/TRF/SP-Noti-7/08/675 Dt. 29.08.2025 lo chhuah tawh chu a hnuaia ruahmanna tarlan ang hian; thu leh awm hma atan hman chhunzawm tur a ni tih kan inhriattir e.

  1. Lirthei intlanchhawkin a huam chin tur kawngpui:
  2. Bawngkawn leh Kulikawn inkar main road: Bawngkawn Zosangliana Point atanga Kulikawn (Ngaizel, Tlangnuam leh Pika Road peng) thleng; Chaltlang, Ramhlun North, Ramhlun Venglai, Ramhlun South, Chanmari, Zarkawt, Dawrpui, Venghlui, Upper Khatla, Mission Veng, leh Thakthing kal tlangin.
  3. Sikulpuikawn leh Vaivakawn inkar main road: Sikulpuikawn atanga Khatla, 23rd Assam Rifles Gate bul/Marova Traffic Point (MINECO peng) thleng leh Sikulpuikawn atanga Khatla, Tennis Court, Salvation Army Temple, Tuikual South, Tuikual North, Dinthar, Vaivakawn Taxi Stand Dawrpui Vengthar Peng thlengin.
  4. A chunga kawngpui dung tarlan loh zawng, Aizawl khawpui chhung kawngah te chuan tlan theih vek a ni ang a, hei hian Entry Period nei hrang lirtheite erawh a huam lo.
  5. Lirthei (mimal motor, sorkar motor leh bungraw phur motor leh district dang motor leh state pawna lirthei register-te pawh huamin) intlanchhawk hian nipuiah zing dar 09:30 atanga tlai dar 06:00 thleng, thlasikah zing dar 09:30 atanga tlai dar 05:00 thleng a huam ang. Lirthei intlanchhawk hian Inrinni (Saturday), Pathianni (Sunday) leh Sorkar chawlh/holiday a huam lo.
  6. Taxi (LMV leh Two Wheeler) te tlan dan tur:
  7. Taxi (LMV leh Two wheeler)-te chu Group panga (5) A, B, C, D leh E-ah then an ni a. Nikhatah group pali (4) zel an tlan anga, group pakhat (1) zel an ding ang.
  8. Taxi intlanchhawk hian Thawhtanni atanga Zirtawpni apiangin zing dar 09:30 atanga tlai dar 6:00 inkar a huam ang.
  9. Taxi intlanchhawk hian Inrinni leh Pathianni a huam lo.
  10. Tlan lohnia Aizawl hmar lam atanga khawpui laili paltlang theilote tan Bawngkawn Sairang Road - Durtlang, Bawngkawn Sairang Road - Zemabawk road-ah a tawn tawna tlan theih a ni. Tin, Bawngkawn Sairang road leh Ramhlun road hnuai ber (College Road)-ah Bawngkawn Sairang peng kaltlangin tlan theih a ni. Chaltlang road leh Ramhlun main road erawh tlan phal a ni lo.

Aizawl chhim lamah; Venghnuai atanga Kulikawn Presbyterian Biakin bul kaltlangin Kulikawn Pika Road lamah, a tawn tawnin a tlan theih bawk ang.

LIRTHEI INTLANCHHAWKIN A HUAM VE LOH TUR TE

  1. Governor, Chief Minister, Dy. Chief Minister, Speaker of Mizoram Legislative Assembly, Minister/M.O.S and Dy. Speaker of Mizoram Legislative Assembly-te official lirthei (an carcade tiamin), MLA to leh AMC Corporator te.
  2. Guwahati High Court Judge te.
  3. Home Department (Police, Lire & Emergency Services, MRHG&CD, Prisons, FSL), Excise & Narcotics duty, Medical & Hospital Emergency duty, PHE/PWD/P&E Emergency duty, Disaster Management hnuaia emergency duty te, PHE Tuisem, Ambulance/Morgue Van, Executive Magistrate - Law and Order duty, Print & Electronic Media, National Informatics Centre (NIG)-a thawk te, Army leh Para- Military Force, Government Department/Office Despatch Rider te, Kohhran hminga lirthei register te, AMC hnuaia bawlhhlawh paih motor te, Rualbanlo tana Special Vehicle te, Bawnghnute sem leh Chanchinbu sem te.
  4. Public service vehicle (passenger phur chi lirthei) - City Bus/Bus, Maxi Cab/Sumo (State dang registered huamin), Institution Bus, Department Bus.