North East Zone Cultural Centre (NEZCC) leh Art & Culture Department bultumin Aizawl khawpui chhung college hrang hrangte tana hnamlam intihsiakna chu vawiin khan Aizawl Vanapa Hall-ah neih a ni a, Education Minister Pu Lalsawtan a hawng.

 

 

Education Minister chuan hawnna thuchah a sawiah India ramin Culture hmanga inpumkhatna policy a neih mek chu fakawm tiin he policy ti hlawhtling tur hian Mizo thalai leh zirlaite pawhin mawhphurhna thui tak an nei a ni a ti a. Mahni hnamzia rang, pipu rothil leh hnamlam, zai leh rimawi humhalh nachang hre lo hnam ding chhuak an awm ngai lo tiin hetianga hnam thil humhalh kawnga khawpui chhung college zirlaite thathawh chu lawmawm a tih thu a sawi a. Hnam boral lohhna turin thil tangkai tak an phochhuak a ni a ti.

He intihsiakna ah hian lam chi 2 Cheraw (kantluang) leh Sarlamkai te a inelna neih a ni a. Aizawl khawpui chhunga college zawng zawng leh Women Polytechnic te an vaiin college 10 an tel a. Naktukah festival-a hun hman zui a ni ang a, kharna inkhawm leh lawmmna semna chu Art & Culture Minister Pu P.C. Zoram Sangliana hova neih a ni ang.