Commissioner & Secretary, Transport Department leh Department hrang hrang a Traffice Police, AMC leh PWD meeting chuan Aizawl khawpui hmun hrang hranga Speed breaker te a hmuna enfiah tura a lo rel angin vawiin khan a enfiah a. Khawpui chhunga hmun tam zawka speed breaker te hi NGO, Kohhran leh mimal ngenna anga PWD - in a siam a ni. Heng speed breaker te hian traffic jam nasa tak a belhchhah bakah accident tam tak a thlen phah thu sawiho a ni. Chuvangin tuna speed breaker siam tawh zawng zawngte a hmunah enfiah a ni, thiah ngai leh siam danglama ngaite an enfiah a ni. Road sign dahna tur hmun enfiah nghal a ni bawk.

He meeting hian tun hnu zela speed breaker dahna tur reng rengah fiber safety speed breaker chauh hman tawh ni se tiin a lo rel tawh bawk a. He committee phalna leh hriatpuina tel lova Aizawl khawlai ah speed breaker dah tawh lo turin mipuite an ngen a ni.

Attachment

  • Loading attachment...