No.2311/2021-2022

Aizawl, 23rd September, 2021 : COVID-19 vanga hun engemaw chen inkharkhip a nih hnuah, Aizawl khawpui hnaia zu leh ruihhlo hluarna hmun, Rangvamual leh a chhehvela zu leh ruihhlo ti thinte, a bik takin damdawi rui thin te vai khawm a, an chhunga thununna lekdan tur ngaihtuahin August ni 22, 2021 khan Excise & Narcotics Outpost, Rangvamual-ah Aizawl District chhunga Dan kenkawhna kawnga thawktu Sawrkar thuneitute inhmukhawm thurel bawhzuiin vawiin zing atang khan Rangvamual kawng dung then thianghlim hna chu uluk lehzualin thawh a ni a. Drug Addict mi 24 zet man khawm an ni. COVID-19 chungchanga sawrkar inkaihhruaina zawmin heng ruihhlo ti thinte hi a tul anga hremna pek zel tur an ni ang.

Hmalatute hi Aizawl DC, Dr. Lalhriatzuali Ralte; Aizawl District SP, Traffic SP; Asst. Commissioner, Excise & Narcotics, Aizawl District bakah Rangvamual Local Council te an ni.