1230/2022-2023
Aizawl the 12th July, 2022 : Vawiin July ni 12, 2022 khan nithum awh tur Focus Group Discussion (FGD), Aizawl Sustainable Urban Transport Project(ASUTP) hnuai a neih tur chu Urban Development and Poverty Alleviation Department buatsaihin hawn a ni. He hun hi Pu HVL Zarzoenga, Joint Director, UD&PA in a kaihruai a, Aizawl Urban Transport kalpui mek a nih dan leh mithiam Consultant(MottMacdonald) ten Aizawl Urban Transport chungchang zirchianna an neih mek thu a sawi a. Pu H. Lianzela, Director, UD&PA in inlawmna thu sawiin he programe-focus group discussion buatsaih a nih chhan a sawifiah a, kalkhawm leh sawm bikte sawihona hun tha tak hmang turin a sawm a. Pu Lalmalsawma Pachuau, Secretary, UD&PA in he project kalpui a nih mek dan leh hmalakna tur awmte sawiin he sawihona hun hi a hawng a ni. He hunah hian Consultant atana rawih Project Planning Design and Management Consultant (PPDMC) te hnen atangin a project kalphung leh DPR siamna tur atana hmalakna te bakah vawiina sawihona neih a tulna leh pawimawhna te(Citizen’s participation) an sawi hnuah kalkhawmte nen sawihona hun hman a ni. He Focus Group Discussion(FGD)neih tan ni hmasa ber ah hian CYMA, MZP, MUP, MCTA, HISSLAM, MISSTA, MSTA & MPSTA te sawm an nih angin an tel a ni. He hunah hian Aizawl khawpui traffic jam nasat dan leh hun lo kal zela mipui chet vel awlsam dan tur hrang hrang sawi ho a ni.

Focus Group Discussion(FGD) hi ruahman ang chuan ni 12, 13 leh 14, July. 2022 (nithum chhung) neih tur a ni a. He program ah hian NGO hrang hrang, lirthei hmanga eizawng Association hrang hrang leh Aizawl khawpui chhunga Local Council te Aizawl khawpui a mipui leh lirthei chet vel dan sawipui tum an ni.

Aizawl Sustainable Urban Transport Project (ASUTP) hnuai ah hian Aizawl khawpui a mipui leh lirthei chet vel dan hrang hrang zirchian a, project siam tur a ni a. Ni 26.10.2021 khan Central Sorkar, Mizoram Sorkar leh Asian Development Bank (ADB) ten loan agreement leh Project Agreement te an lo ziak tawh a ni. Tun ah hian ADB kalphung angin Project Readiness Financing(PRF) ang a hna tan phawt a ni a, he mi ang hian Aizawl khawpui a mipui chet velna leh lirthei chet dan zirchiang turin Project Planning Design Monitoring Consultant(PPDMC) atan Mott Macdonald, Noida thlan tawh an ni a, zirchhianna an nei tan mek a ni. Consultant Mott Macdonald hian thla 31 zirchianna an neih turah hian City Mobility plan, Feasibility Study leh Detailed Project Report (DPR) siam te a tel a ni. Chumi zirchianna leh ruahmanna (Feasibility Study leh Detailed Project Report etc.) te chu Asian Development Bank in fund theiha a ngaih chuan Aizawl Urban Transport atan hian sum thahnem tak hmuh theih beisei a ni.