375/2022-2023
Aizawl, the 2nd May 2022: President Ram Nath Kovind chuan zan khat riak turin 05.05.2022 hian Aizawl khawpui a rawn thleng dawn a. Hemi ni leh a tuk 06.05.2022 hian Aizawl khawpui chhunga lirthei vei vak te hriattur leh zawm turin a hnuaia tarlan ang hian Pu Rodingliana Chawngthu, Sr SP, Traffic chuan thupek a ti chhuak.

1. Thuampui Helipad atanga Raj Bhavan; Thuampui, Bawngkawn, Chaltlang, Chanmari, Zarkawt, Dawrpui, Venghlui, kawngpui dung ah te hian Ni.5.3.2022 (Ningani) Zing dar 7:00 atanga Chhun dar 12:30 inkar ah Lirthei leh Bungrua engmah dah phal a ni lo.

2. Raj Bhavan atanga Mizoram University; Tuikual South, Tuikual North, Dinthar, Dawrpui Vengthar, Vaivakawn, Luangmual, Chawlhhmun, Sakawrtuichhun leh Tanhril kawngpui dung ah te hian Ni.5.5.2022 (Ningani) Zing dar 10:00 atanga Tlai dar 6:00 inkar ah Lirthei leh Bungrua engmah dah phal a ni lo.

3. Hon’ble President of India hi Ni 6.5.2022 (Zirtawpni) ah a haw dawn avangin Raj Bhavan atanga Thuampui Helipad; Venghlui, Dawrpui, Zarkawt, Chanmari, Chaltlang, Bawngkawn, Thuampui huam chhung kawngpui dungah te hian Ni 6.5.2022 (Zirtawpni) Zing 7:00 atanga Zing dar 10:30 inkar hian Hon’ble President of India chetvelna tibahlah thei Lirthei leh Bungrua engmah dah phal a ni lo.

Ni 5.5.2022 atanga Ni 6.5.2022 chhunga Hon’ble President of India chetvelna tibahlah thei thil; a chunga tarlan huam chhung kawngpui dungah te hian awm thianglo a nih avangin lirtheia veivak ten hriatlohna avanga buaina kan tawh lohna tur leh tul lova hun kan sen thlawn loh nan lo inhmakhua a, pumpelh dan kawng zawng turin kan in ngen a. Tluang taka Hon’ble President of India a vei vah theih nan lirthei te pawh nidang aia rei din angai dawn tih kan in hriattir bawk a ni.