4854/2025-2026

Aizawl the 17th March 2026 : Assam Rifles ten an chhuahsan Lammual leh a vel ram hi Sorkar hmalak na in Master Plan siam a ni a. He Master Plan siamna atan hian Chief Minister, Pu Lalduhoma chairman-na hnuaiah Advisory Committee din a ni a. Pu K. Sapdanga, Minister UD&PA chu vice-chairman niin, he committee ah hian political parties, NGO hrang hrang te leh line departments te an tel a ni. Advisory Committee hian meeting vawi tamtak lo nei tawh in, Lammual Master Plan a lo hlawhtlin na atan ruahhman na tha tak siam a lo ni tawh a ni. Master Plan area hi 17 Hectare a zau a ni a, a ram len zawnga 39.33% chu Built up area atana duan niin, 60.67% hi green area atana ruahman a ni. He Master Plan hnuaia projects te execute na tur atan Joint Steering Committee hi Secretary, UD&PA chairman na hnuaiah din a ni a. He committee ah hian Department hrang hrang te tel in, hna chak taka hmalak a nih theih nan coordination thatak nen thawh ho a ni. He Master Plan chhunga ruahmanna awm thenkhatte chu:-

1. Heritage Court  

Heritage Court hi tuna Lammual area chhunga Quarter Guard leh a chhehvela building awm sa thawm thar leh chei tharna tur project a ni a. Hemi atan hian a design hi PWD-in siamin, DPR pawh siam nghal a ni. Rs.13.18 Cr. chu a project amount niin tunah hian hna hi thawh tan tawh a ni. He project hi mipui ten tangkai leh hlawk taka an hman theih tura ruahman a ni a. Building awmsa te chei tharin Exhibition space, mipuite thiam thil phochhuahna leh zawrhna hmunte siam tur a ni. 

1) Heritage Court hi Quarter Guard leh a chhehvel chanchin vawn thatna leh mipuite pawh hrilhhriatna niin, an punkhawm theihna tura duan a ni. 

2) Build leh structure awm sa te, a theih anga ngai awh tura cheibawla thawm that tur a ni a. Building hlui paruk (6) thiah niin, a awmsa cheithat hi pariat (8) a ni. 

3) Mizo heritage galleries (Mizo hnam ro thil tarlanna), digital interpretation kiosks (Digital thiamna hmanga hrilhfiahna hmun), leh open exhibition spaces (Pawn lam thil phochhuahna hmun) te awm tura tih a ni a. Exhibition space hi block li ah awmin , block tin hi 115 sqm a zau a ni. 

4) Lung chhuat phah (Stone paving) te, ram chhung thing leh mau leh pangpar hmanga hmun cheibawl (native landscaping), leh zan lama mawi tak eng chhit (night illumination) te pawh tel tura ruaahhman a ni. 

5) Heritage Court ah hian Restaurant, mi 50 thut theihna awm tura duan a ni a. Hei bakah hian Multipurpose hall, 186 sqm a zau leh toilets (mipa leh hmeichhia) te hman tur a awm dawn bawk a ni. 

2. Vanapa Hall

He project hi inelna (Competition) mode-a kalpui tur a ni a. He inelnaah hian Council of Architecture (COA) registered architect-te leh firm-te tel thei tura ruahman a ni. He project hi Convention Centre changkang tak ni tura ruahman a ni a. A chhunga awm tur tlangpui te chu 

a) Main Hall – Hei hi mi sang hnih (2000 seats) leng thei tura ruahman a ni a. He hall hi mamawh dan a zira tihzauh/tih tet theih tura design tur a ni. 

b) Auditorium – Fixed seating tura ruahman niin a tlem berah thutna zanga (500 seats) awm tura design tur a ni. 

c) Lecture Hall – Hei hi step seating niin, thutna za (100 seats) awm tura design tur a ni 
d) Board Room – Hei hi thurel inhmuhkhawm te neih theihna tura duan tur niin, Conference table te awmin, mi sawmgna thut theihna a awm tur a ni. 

Heng bakah hian Parking (minimum three floors), Park & Service areas dang te awm tura ruahhman a ni bawk. Competition hi Architect-te leh firms-te tan a tel theih dawn a. Competition Guideline hi UD&PA website ah download mai tur a ni. Competition hi vawiin atangin a in register theih anga, March ni 25 thleng registration hi hawn ani ang. Design submission last date hi 15th May 2026 a ni a, Result hi 29th May, 2026 ah puan a ni ang. 

3. Upgradation and widening of roads 

He project DPR hi PWD-in buaipuiin project amount hi Rs. 23 Cr a ni a. Aizawl Post Office atanga intanin Bazar Bungkawn thleng kawng hi zauh tura ruahman a ni. Kawng zau zawng hi 14m (Feet 46) a ni a, hemi (14m) chhungah hian footpath leh side drain changtlung tak awm tura ruahman a ni. Bypass road zau zawng hi 12m (feet 40 vel) a ni a, he kawng hi Aizawl Post Office atanga intanin tuna Baptist Biak In awmna, Saron Vengah a chhuak dawn a ni. He project chhungah hian Aizawl Square tur rawt hniam (levelling) te, Aizawl Square sira kawng thar tur te, Lammual chhunga connector road 7m a zau leh tuna Mandir awmna bula kawng awmsa siam that te a huam tel vek a ni. 

4. Police Outpost 

Lammual chhungah hian Police Outpost awm tura ruahman a ni a. Outpost tur design hi PWD ten an siam tawh a, DPR siam tura hmalak mek a ni. 

5. 33 Kv Sub-Station 

He project hi P&E Department te hmalakna niin DPR siam a ni a, Rs 22.35 Cr man tura ruahman a ni. Hei bakah hian Lammual chhunga Power Supply pekna turin DPR siam mek a ni a, Rs. 9.2 Cr ruahhman a ni. 

6. PHED Reservoir 

Water reservoir hi PHED-in DPR siamin, Rs. 4 Cr (vaibelchhe li) man tur niin, tui Litre nuai sawmpahnih (12 lakhs) dawng thei tura ruahman a ni. He reservoir hian heng veng Dawrpui Vengthar, Vaivakawn, Part of Hunthar, Part of Dinthar, Zodin Square, Treasury Square, Canteen Square, leh Lammual Complex te chawm tura ruahhman a ni. 

7. PARKING 

Lammual chhungah hian Public Parking hi hmun thuma awm tura ruahman a ni a. Multi-level parking, minimum ah two-wheeler 500 leh four-wheeler 150 awmna tur te, two-wheeler 180 park theih na hmun tur leh Vanapa Hall building thar turah parking awm tura propose a ni. 

8. PUBLIC PARKS 

Park hi hmun hnihah awm tura ruahman a ni a. Zodin area, tuna Mandir awmna ah leh Vanapa Hall thar tur bulah ruahman a ni. 

9. AMPHITHEATRE Lammual Master Plan chhungah hian event neih theih na tur open air theatre ruahman a ni. Heng bakah hian viewing deck leh green zone and walking trails te he Master Plan chhungah hian dah a ni.