Kum kalta April thlaa General Election to Village Council 2015 neih a nih tum khan Aizawl District huamchhung khaw 25 leh Kolasib District huamchhung khaw 6 ah te in vauna avanga inthlanna chuhtu an awm tak loh avangin inthlanna neih a ni ta lo va. The Lushai Hills District (Village Councils) Amendment Act 2014, sub-section (7) of Section 3 leh chumi hnuaia dan siam The Mizoram (Election to Village Councils) Rules 2014, Rule 3(1) in thuneihna a pek angin Mizoram State Election Commission chuan heng khaw 31-ah te hian By-Election to Village Councils neih tur thu puangin May 19, 2016-ah vote thlak tur a ni. 

State Election Commission (SEC) chuan hriattirna hi 12.4.2016 hian a tichhuak a. Inthlan chuh tumte tan 26.4.2016 tlai dar 3 thleng hming pek luh theih a ni. Hming pek luhte hi 27.4.2016 zing dar 10 atanga chhun dar 12 inkarah endik a ni ang a, inhnukdawk duhte tan 28.4.2016, zing dar 10 leh chhun dar 12 inkar hun hawnsak an ni ang. Inthlan chu 19.5.2016, zing dar 7 atanga tlai dar 4 thleng neih tur a ni a. Inthlan that (re-poll) ngai a awm a nih chuan a tuk May 20-ah re-poll neih a ni ang. Inthlan zawh veleh vote tla te chhiar nghal a ni ang. 

Inthlan puan a nih tak avangin Model Code of Conduct chu vawiin atang hian Aizawl leh Kolasib District-a inthlan neihna tur constituency huam chhungah te hman tan nghal a ni. He Model Code of Conduct hian political party zawng zawng, inthlan chuhtu candidate te, Minister, Parliamentary Secretary, Member of Parliament, MLA, Municipal Councillor-te leh Village Council inthlannaa inhnamhawih sawrkar hnathawkte a huam ang. 

Tun tum by-election atan hian Assembly Electoral Roll thar ber, ni 1.1.2016 kumtling chhiar nan a hmanga Electoral Rollsiamthar chu hman tur a ni. Aizawl leh Kolasib District a voters dinhmun chu hetiang hi a ni:

 AIZAWL DISTRICT : 

KOLASIB DISTRICT : 

State Election Commission chuan inthlanna fel fai leh muanawm kan neih theih nan inthlanna buaipuitute, political party te, media te, tlawmngawi pawl leh mipui tawiawmna a ngen a. Mipui duhthlanna kaltlanga tualchhung inrelbawlna tha tak kan neih zui zel theih nana theihtawp chhuah theuh turin mitin te a sawm a ni.