Thawhtanni dt.6.9.10 zana ruah sur avangin Aizawl-Lunglei kawngpui NH-54, a bik takin Aizawl leh Serchhip inkar hmun tam takah leiminin kawng a hnawh ping a. PWD ten nimin dt.7.9.10 atang khan a thenfai hna khawl hmangin ngawrh takin Aizawl lam atang leh Serchhip lam atangte-in an thawk nghal a. Vawiin hian leiminin kawng a hnawh pin te chu thenfai hman an inbeisei a, amaherawhchu Chhingchhip khaw daiah kawng chhuat a min chhiat avangin NH-54 Aizawl- Lunglei hi kal tlang theiha siam tur chuan hun a duh deuh dawn a ni. Leiminin kawng chhuat a tihchhiat siamthat dan tur hi PWD ten an dap mek a, a rang thei ang bera kawngpui hi motor tlan theiha tih tlang dan kawng an zawng mek a. Motor kal tlang theiha siamthat hun tur tak erawh chu tun dinhmunah chuan sawi lawk theih a la nih loh avangin PWD chuan mipui hriatthiamna an ngen a ni.