Vawiin chawhma dar 11:00 khan Aizawl Municipal Council Board of Councillors Meeting chu AMC Session Hall ah neih a ni. Meeting hi Pu CT Zakhuma, Chairman in kaihruaiin tlai dar 3:00 ah meeting hi tluang taka neih zawh a ni. He meeting hi Aizawl West College Political Science zirlaite pawhin an chhim ve a ni.
Meeting ah hian meeting hmasa leh tun meeting inkara hmalakna Chairman in report a pe a, zawhna lut a awm loh vangin a hnuaia tarlante hi rel an niin lungrual taka pass an ni.
1. AMC kuta 4, July 2011 atanga PPP mode a bawlhhlawh paih a awm tawh dawn avangin a kalpui dan tur chungchang ngaihtuah ho a ni a, AMC area-a Local Council tinah Councillor ten Solid Waste Management Committee din nise tih a niin, he committee ah hian Local Council, YMA, MHIP, MUP leh Prominent Citizen pathum leh Ward Committee nominated member te an mahni veng theuhah tel tura ruahman a ni a, tun aia rualkhai zawka mipui hnen atanga bawlhhlawh paih man khawn nise tih a niin, motor luh theih lohna ah pawh mumal taka bawlhhlawh hi senghawi dan tur ngaihtuah nghal a ni. He Committee hian The Mizoram Municipalities Act, 2007 in bawlhhlawh senghawi chungchanga hremna dan a pek chu mipuite zirtir hnuah lekkawh se tih a ni bawk. He kalphung thar hi August, 2011 atanga hman tan tura ruahman a niin, hemi chungchang inhrilh hriatna ni 28 June, 2011 hian Chanmari YMA Hall-ah Ward Committee leh Local Council member zawng zawngte kohkhawmna neih tura ruahmanna pawh siam a ni tawh bawk.
2. Ch. Chhunga Bus Terminal leh Ch. Saprawnga Truck Terminal a transformer chu mamawh aia lian anih avangin te zawka thlak nise, electric point tangkai lo deuh paih then ni nghal se tih a ni.
3. AMC Logo tur advertisement hmanga chhuah chu a tha zual pathum (3) Executive Council Meeting in a lo thlan tawh zing atangin pakhatna atanga pathumna thlan chhuah a ni.
1. AMC kuta 4, July 2011 atanga PPP mode a bawlhhlawh paih a awm tawh dawn avangin a kalpui dan tur chungchang ngaihtuah ho a ni a, AMC area-a Local Council tinah Councillor ten Solid Waste Management Committee din nise tih a niin, he committee ah hian Local Council, YMA, MHIP, MUP leh Prominent Citizen pathum leh Ward Committee nominated member te an mahni veng theuhah tel tura ruahman a ni a, tun aia rualkhai zawka mipui hnen atanga bawlhhlawh paih man khawn nise tih a niin, motor luh theih lohna ah pawh mumal taka bawlhhlawh hi senghawi dan tur ngaihtuah nghal a ni. He Committee hian The Mizoram Municipalities Act, 2007 in bawlhhlawh senghawi chungchanga hremna dan a pek chu mipuite zirtir hnuah lekkawh se tih a ni bawk. He kalphung thar hi August, 2011 atanga hman tan tura ruahman a niin, hemi chungchang inhrilh hriatna ni 28 June, 2011 hian Chanmari YMA Hall-ah Ward Committee leh Local Council member zawng zawngte kohkhawmna neih tura ruahmanna pawh siam a ni tawh bawk.
2. Ch. Chhunga Bus Terminal leh Ch. Saprawnga Truck Terminal a transformer chu mamawh aia lian anih avangin te zawka thlak nise, electric point tangkai lo deuh paih then ni nghal se tih a ni.
3. AMC Logo tur advertisement hmanga chhuah chu a tha zual pathum (3) Executive Council Meeting in a lo thlan tawh zing atangin pakhatna atanga pathumna thlan chhuah a ni.
