No.7427/2020-2021

Vawiin khan Aizawl Municipal Corporation, 2021 General Election atana inbuatsaihna kalzelah Inthlan senso (expenditure) chungchanga hriattur pawimawh zirhona Planning & Programme Implementation Department Conference Hall-ah Pu Lalmuanpuia Sailo, Nodal Officer, Expenditure Monitoring hova neih a ni.

Zirhona-hi tum hniha neih a ni a, tumkhatnaah hian Ward No. I atanga Ward No. X candidate leh election agents te nen neih a ni a, a tumhnihna-ah hian Ward No. XI atanga Ward No. XIX candidate leh election agents ten en neih a ni thung a ni. AMC General Election, 2021-ah hian candidate sawmruk paruk an awm a ni.

Zirhohna-ah hian candidate ten Inthlan pual bik atan cheng Nuai 1 thleng an hman theih thu te, Bank Account hran hawn kher a ngailoh thu te, pawisa hmanna reng reng Election expenditure register-ah engkim fel taka ziah tur a nih thu te ngaihthlak leh inhrilh a ni a. Inthlan kaihhnawiha sum leh pai hmanral/senso apiang, nomination file ni atanga result puan ni thleng (both days inclusive) kimchang taka ziahlan tur thu te ngaihthlak a ni a. Election Expenditure Register a pawisa hmanna reng reng a cash memo/voucher Candidate emaw Election Agent emaw hming sign hnan a indawt thlapin dah tur thu leh thildangte inzirtir a ni a. He hunah hian zawhna leh chhanna hun hman a ni bawk a ni.

Expenditure hi inthlan hma in vawi thum inspection neih tur  a ni ang a, a neihna hmun tura ruat hi Aizawl DC Conference Hall-ah a ni ang a. Inspection vawikhatna hi February ni 5-ah neih tur a ni ang a, a vawihnihna hi February ni 10-ah neih tur a ni ang a, a vawithumna hi vote thlan ni (polling day) hma February ni 15-ah neih tur a ni ang.

Pi V. Lalmuanpuii, Election Officer chuan kalkhawmte chu Model Code of Conduct ngai pawimawh turin leh Poll Day a hman tur motor chungchanga hriattur a tarlang bawk a ni.