State Election Commission Mizoram chuan thuchhuah siamin  Aizawl Municipal Council inthlanna tura inbuatsaihna tluang takin a kal zel tih a tarlang a. District Municipal Election Officer & D.C Aizawl chuan August ni 6,2010 khan Aizawl Municipal Electoral Rolls pawh vantlang entheih in a tarchhuak a. Wards 19 atangin wards 6 chu Women Reserve Seats a nih dawn avangin, Aizawl City area MLA Constituency 10 atangin heng Women Reserve Seats 6 te hi thumvawra zawn tur a ni.

Political Parties aiawhte leh NGO hruaitute awmlai ngei a thumvawrna hi neih tur a ni a, August ni 20 (Zirtawp) zan dar 7:00 pm hian Chanmari YMA Hall-ah Sorkar in thumvawr dan tur 'Guidelines' a siam ang thlapin neih a ni ang a, mipuite lo en ve theih turin Cable TV ah Live Telecast a ni ang. Women Reserve Seats thumvawr bakah Municipal Council Election lo awm tur atana thil hriat tur inhrilh hriatna State Election Commission atangin neih a ni ang. "Panel of Experts ten Municipal Council chungchanga zawhna hrang hrang darkar khat chhung zet chhanna leh hrilhfiahna an nei bawk ang.

Municipal Council Election ngaihventute zawng zawng chu he programme-ah hian lo tel tura sawm an ni.