Mizoram Sorkar hnuaia Superintendent leh Assistant te chu vawiin khan Vanapa Hall ah koh khawm an ni a, Chief Minister Pu Lal Thanhawla leh DP&AR Minister Pu H.Liansailova hovin sorkar officer senior ten fuihna thu an hrilh a, tha zawka sorkar hna an thawh theih nan leh sorkar hmalakna te tihlawhtling tura hlawk zawka thawh dan te an sawiho.
Meeting hi Chief Secretary Pu Van Hela Pachuau, IAS-in a kaihruai a, tunlai khawvel danglam chho zelah sorkar office hna kalhmang te pawh a inthlak chho ve zel a, tunhmaa confidential tam em em thin chu tunah chuan RTI hmangin a duh apiangin an zawh chhuah theih tawh avangin fimkhur tak leh dik taka hna thawh a tul tawh thu te a sawifiah.
Chief Minister Pu Lal Thanhawla chuan thu sawiin sorkar chuan a hnuaia hnathawkte a duat a, an hnaah pawh a humhalh tlat a, mahse hei hi hmansual theih a ni, a ti. Mipui rawngbawltu an nih theihnghilha chapo taka mipui chunga intilal tur an nih loh zia hre reng turin a fuih a, file kal muang thin lutuk te chuan nasa takin hna a tithuanawp thin tih hriaa thahnemngai taka thawk thin turin a ngen bawk. Sorkar-in duhsak taka hlawh tha tak a pek rualin an hnathawh leh hlawh lak a inphu tawk em tih te inenfiah thin turin a ngen a, hlawh tam tak pek an nih angin sorkar chuan an lakah a beisei sang em em a ni, a ti. Superintendent leh Assistant te chu sorkar hna bulthut te an ni a, sorkar policy leh programme hlawhtlin nana a bawhzui tu ber an nih avangin an mawhphurhna san zia hre reng thin turin a chah a. Mipuiin an ngaihsan leh an thu an awih thin avangin hriselna lamah pawh hmahruaitu tur an nih thu a hrilh bawk. Office leh a vel fai tak leh thianghlim taka vawng a, an office theuhva meizuk khapna dan kengkawhtu tur an nih anga khauh taka kalpui turin a chah. Hna thawk tha peih lo, zel thel tak, hlawhbi kima lak tum si tam tak awm chu sorkar tan ngaimawh tham a ni Chief Minister chuan a ti. Mahni duhna hmuna thawh tum tam tak awm leh insawipui kan ching thin chuan dik taka rorel kawngah harsatna a siam thin a, a pawi tak zet a ni, a ti. Kum 10 kalta chhungin thenawm state ten nasa takin min tlanpel tawh a ni tiin Pu Lal Thanhawla chuan tan lak thar a tul thu a sawi lang bawk. Sorkar hna ah confidential a awm a, a hretu turin a hriat hmaa pawnlam mi ten an lo hriat hian a pawi a, buaina a thlen phah thin tiin Chief Minister chuan file khawih tu mawh a nih thu leh fimkhur a tul thu te a sawi lang bawk. Cabinet Secretary Pu K.M.Chandrasekhara'n sorkar hnathawk zawng zawngte tana hriat tur - mipui rawngbawlsak tura an mawhphurhna te leh rilru puthmang turte, an hnathawh dan tur te a ziah lehkha Chief Secretary tin te hnena a thawn chu Chief Minister chuan a chhiarchhuak bawk.
DP&AR Minister Pu H.Liansailova pawhin thu sawiin vawiin programme tan huna a zatve an la kal lo chu an nihna dik tak tarlangtu a ni tiin hun vawn dik kawngah tan la thar theuh turin a fuih a, mipui te tana thawk an nih hre reng thin turin a chah bawk. Hlawh tha tak sorkarin a pek chu a thlabi, nibi leh darkarbi-a chhut chuan office-a darkar riat thu tha peih lo tam tak awmte atang hian thawh loh hlawh la kan tam em em a ni, a ti bawk. Aikal lak chu ram danga tih ngai loh, Mizoram chauhva kan chin a ni tiin Minister chuan harsatna lian tak tawk an awm a nih pawhin dan chhunga tih theih chin a awm a, dan baka kal hi buaina min thlentu a ni thin, a ti. Transfer chungchangah mahni duhna hmuna thawh tum kan tam lutuk a, sawipuitu rawih kan ching bawk thin hian sorkar tan harsatna nasa tak a thlen thin tiin Minister chuan thuawih taka hotute min dahna hmun apianga awm tum theuh turin a chah a, democracy ram kan nih avanga sorkar do zawnga mipui hriata lungawilohna puanzar mai kan ching thin chu dan-in a khap tlat a nih thu a sawifiah bawk. File kal muang thin chungchang sawi nawnin Minister chuan lehkha phenah in thawhsak mirethei an awm a, harsa tak min nghaktu an awm tih hre reng thin turin a chah bawk.
Vawiin meeting programme hi nilengin hman a ni a, Minister Pu Lalsawta, Parliamentary Secretaries Pu K.S.Thanga leh Pu Chawngtinthanga te bakah Principal Secretary Pu C.Lalsawta leh Secretary Pu R.L.Rinawma ten an hmanpui a, senior officer mithiam te atangin an hriat tur thupui pawimawh tak tak an ngaithla a, sawihona hun tha tak an hmang bawk a ni.
Chief Minister Pu Lal Thanhawla chuan thu sawiin sorkar chuan a hnuaia hnathawkte a duat a, an hnaah pawh a humhalh tlat a, mahse hei hi hmansual theih a ni, a ti. Mipui rawngbawltu an nih theihnghilha chapo taka mipui chunga intilal tur an nih loh zia hre reng turin a fuih a, file kal muang thin lutuk te chuan nasa takin hna a tithuanawp thin tih hriaa thahnemngai taka thawk thin turin a ngen bawk. Sorkar-in duhsak taka hlawh tha tak a pek rualin an hnathawh leh hlawh lak a inphu tawk em tih te inenfiah thin turin a ngen a, hlawh tam tak pek an nih angin sorkar chuan an lakah a beisei sang em em a ni, a ti. Superintendent leh Assistant te chu sorkar hna bulthut te an ni a, sorkar policy leh programme hlawhtlin nana a bawhzui tu ber an nih avangin an mawhphurhna san zia hre reng thin turin a chah a. Mipuiin an ngaihsan leh an thu an awih thin avangin hriselna lamah pawh hmahruaitu tur an nih thu a hrilh bawk. Office leh a vel fai tak leh thianghlim taka vawng a, an office theuhva meizuk khapna dan kengkawhtu tur an nih anga khauh taka kalpui turin a chah. Hna thawk tha peih lo, zel thel tak, hlawhbi kima lak tum si tam tak awm chu sorkar tan ngaimawh tham a ni Chief Minister chuan a ti. Mahni duhna hmuna thawh tum tam tak awm leh insawipui kan ching thin chuan dik taka rorel kawngah harsatna a siam thin a, a pawi tak zet a ni, a ti. Kum 10 kalta chhungin thenawm state ten nasa takin min tlanpel tawh a ni tiin Pu Lal Thanhawla chuan tan lak thar a tul thu a sawi lang bawk. Sorkar hna ah confidential a awm a, a hretu turin a hriat hmaa pawnlam mi ten an lo hriat hian a pawi a, buaina a thlen phah thin tiin Chief Minister chuan file khawih tu mawh a nih thu leh fimkhur a tul thu te a sawi lang bawk. Cabinet Secretary Pu K.M.Chandrasekhara'n sorkar hnathawk zawng zawngte tana hriat tur - mipui rawngbawlsak tura an mawhphurhna te leh rilru puthmang turte, an hnathawh dan tur te a ziah lehkha Chief Secretary tin te hnena a thawn chu Chief Minister chuan a chhiarchhuak bawk.
DP&AR Minister Pu H.Liansailova pawhin thu sawiin vawiin programme tan huna a zatve an la kal lo chu an nihna dik tak tarlangtu a ni tiin hun vawn dik kawngah tan la thar theuh turin a fuih a, mipui te tana thawk an nih hre reng thin turin a chah bawk. Hlawh tha tak sorkarin a pek chu a thlabi, nibi leh darkarbi-a chhut chuan office-a darkar riat thu tha peih lo tam tak awmte atang hian thawh loh hlawh la kan tam em em a ni, a ti bawk. Aikal lak chu ram danga tih ngai loh, Mizoram chauhva kan chin a ni tiin Minister chuan harsatna lian tak tawk an awm a nih pawhin dan chhunga tih theih chin a awm a, dan baka kal hi buaina min thlentu a ni thin, a ti. Transfer chungchangah mahni duhna hmuna thawh tum kan tam lutuk a, sawipuitu rawih kan ching bawk thin hian sorkar tan harsatna nasa tak a thlen thin tiin Minister chuan thuawih taka hotute min dahna hmun apianga awm tum theuh turin a chah a, democracy ram kan nih avanga sorkar do zawnga mipui hriata lungawilohna puanzar mai kan ching thin chu dan-in a khap tlat a nih thu a sawifiah bawk. File kal muang thin chungchang sawi nawnin Minister chuan lehkha phenah in thawhsak mirethei an awm a, harsa tak min nghaktu an awm tih hre reng thin turin a chah bawk.
Vawiin meeting programme hi nilengin hman a ni a, Minister Pu Lalsawta, Parliamentary Secretaries Pu K.S.Thanga leh Pu Chawngtinthanga te bakah Principal Secretary Pu C.Lalsawta leh Secretary Pu R.L.Rinawma ten an hmanpui a, senior officer mithiam te atangin an hriat tur thupui pawimawh tak tak an ngaithla a, sawihona hun tha tak an hmang bawk a ni.
Attachment
- Loading attachment...
