402/2024-2025
Aizawl the 2nd May, 2024: Rim tak leh theihtawp chhuah a rukru leh mi in rawktute man chhuah tuma an beih laiin Aizawl PS chuan rukruk leh mi in rawk case pali (4) ah thilsual titu te an man chhuak a ni.
Heng an mi mante atang hian a hnuaia thil ruk te hi hmuh let leh an ni:
(i) Mobile Phone (Oppo) Rs. 12,000/- man.
(ii) Purse a chhunga Aadhaar Card, Voter's ID leh ATM Card awm.
(iii) Pawisa fai Rs. 250/-
1. AZL-PS C No. 144 24 Dt.25.4.24 u/s 454/380 IPC hi Dt. 22.04.2024 zing kara David Lalthanmawia of Upper Republic, Aizawl te in rawk anih avanga case ziahluh niin he in rawkna ah hian mobile phone Redmi 9 (Black colour) Rs.9.500/- man ruk bo ani. He case hi a tirah rinhlelh tur an awm loh bakah a pawikhawihna hmun hi CCTV camera in a cover loh lai a ni bawk a.
Aizawl PS police team te chuan ngawrh taka chhui zuiin rinhlelh thil thu ah mi pakhat Lalrinzuala (26) s/o C. Lallawmkima of Venghlui, Aizawl chu Dt. 26.04.2024 khan an man a. Police Station ah thu zawh fiah tura darkar 72 chhung kawl turin Court-ah dil zui a ni a. Police Station-a kawl anih lai hian theihtawp a thu zawh fiah niin, thu zawh fiah anih lai hian he in rawk hi ama tih ngei ani tih a in puang a. A phone ruk hi a ruk zingah tho hian Treasury Square kawng sira hnamdang mi a hmuh remchan hnenah Rs. 1500/- in a hralh tih a sawi bawk a ni.
Thilsual titu Lalrinzuala (26) s/o C. Lallawmkima of Venghlui Aizawl hian a hnuaia case tarlan te pawh hi ama tih ngei a ni tih a sawi chiang tawh bawk a ni:
i) AZL PS C/No. 305/2021 Dt. 07.06.2021 u/s 380 IPC
ii) AZL PS C/No. 307/2021 Dt. 10.06.2021 u/s 380 IPC
iii) AZL PS C/No. 308/2021 Dt. 1 1.06.2021 u/s 380 IPC
iv) AZL-PS C/No. 652/21 dt. 26.12.2021 u/s 380 IPC
v) AZL-PS C No. 709/23 Dt.21.10.23 u /s 457/380 IPC
2. AZL-PS C/No. 138/24 Dt.22.04.2024 u/s 380 IPC hi Dt. 22.04.2024 khan misual tu tih hriat lohin Chanmari, Aizawl-a dawr te pakhat atanga Mobile phone Oppo Rs. 12,000/- man. Cigarette (1 carton) Rs.420 - man ruk anih avanga register a ni a. He rukruk case hi chhui anih lain CCTV footage te enfiah anih hnu ah rinhlelh thil thu in mi pakhat Lalnunmawia (28) s/o Lalnghakliana of Tuikual North, Aizawl chu Dt. 26.04.2024 khan man a ni a. Police Station ah thu zawh fiah tura darkar 96 chhung kawl turin Court-ah dil zui a ni a. Police Station-a kawl anih lai hian theihtawp a thu zawh fiah niin, thu zawh fiah anih lai hian he in rawk hi ama tih ngei ani tih a in puang a. A cigarette ruk hi a lo ti ral vek tawh a, a mobile phone ruk leh Rs. 250/- chu a thuhrukna Chanmari, Aizawl tuihawk luan kawr atanga hmuh let leh a ni.
Thilsual titu Lalnunmawia (28) s/o Lalnghakliana of Tuikual North, Aizawl hian AZL PS C/No.25/24 Dt.02.02.2024 u/s 379 IPC pawh hi ama tih ngei a ni tih a sawi chiang tawh bawk a ni.
3. AZL-PS C/No. 141/24 Dt.25.04.2024 u/s 379 IPC hi Dt. 25.04.2024 tlai a Pi C. Laltlankimi Bara Bazar. Dawrpui-a a bazaar laia a purse, pawisa Rs. 7000/- leh card chi hrang hrang Aadhar Card, Voter's ID leh ATM card te a dahna ruk bo sak anih avanga ziah luh a ni a. He rukruk case hi chhui anih laiin CCTV footage te enfiah anih hnu ah rinhlelh thil thu in mi pakhat Lallawmkima (27) s/o Vanlalrema of Lungmuat. Kolasib Dist. P/A Ramhlun North, Aizawl chu Dt. 30.04.2024 khan police ten Bawngkawn ah an man a. uluk taka thu zawh fiah anih lain he case ah hian a mawhphurtu dik tak anih thu a sawi a. A pawisa ruk zawng zawng hi ruihhlo lei nan a hman zawh tawh bakah lehkha pawimawh chi hrang hrang awmna purse chu Bawngkawn-Durtlang road ah hnimbuk zingah a paih thu a sawi bawk a. He a thil paih hi a paihna hmun ni a a sawi Bawngkawn-Durtlang road, Durtlang Leitan thlen hma lawk ah hmuhchhuah leh a ni bawk. Accused hi case danga a in hnamhnawihna hriatchhuah anih theih nan thuzawhfiah zui atan Police Station ah kawl belh dil mek a ni a, he a rukruk hi a vawi khat tihna niin hriat a ni.
4. AZL-PS C/No. 116/24 Dt.09.04.2024 u/s 379 IPC hi Dt. 09.04.2024 zinga misual tu tih hriat lohvin bag pakhat bungraw zawrh tur chi hrang hrang Lion energy drinks (4 cases) Rs.3,800/- man, Shark energy drinks (3 cases) Rs.3,600/- man, Surgical Mask Rs.5.000/- man. Sausage (3 packets) Rs.2.250/- man. Lighters (4 boxes) Rs. 1.600/- man leh eichawp thil chi hrang hrang Rs.41,250/- awmna Dawrpui kawngsir a dah ruk bo anih avanga case ziahluh a ni a. He case hi uluk taka chhui zui anih lain rinhlelh thil thu ah Vanlalhriatpuia (37) s/o Lalsangzuala Ngente of Tuikual North, Aizawl chu Dt. 30.04.2024 khan police ten an man a. Thu zawhfiah zui anih lain he thil hi ama ruk ngei ani tih a puang a, a bungraw ruk ho hi Chanmari, Aizawl a sumo driver pakhat hnen ah a hralh thu a sawi a, he driver hi hriatchhuah tumin hma lak mek a ni.
Thilsual titu Vanlalhriatpuia (37) s/o Lalsangzuala Ngente of Tuikual North. Aizawl hi r.r.uaia case tarlan ah te pawn hian a in rawlh ngei tih hriat a ni tawh bawk.
i) AZL-PS C No.76/19 Dt. 14.3.19 u/s 380 IPC
ii) AZL PS C No.767/23 Dt. 11.12.23 u/s 454/380 IPC.
Mipui te rukruk leh in rawk lakah kan lo him tlan theih nan Aizawl DEF chuan a hnuaia kan tarlan hi mipui ten min zawm sak vek turin kan ngen e:
1) Doormat leh kawngka bul hnai ah chahbi dah loh tur.
2) Kawngka kalh lovin kal bosan loh tur.
3) Thil hlu leh man tan chi chu bank locker ah dah hram hram tur.
4) Kan thil neih hlu te a thlalak neih tur a ni a, rukbo palh anih in hmuhlet leh hunah khaikhin atan.
5) Electronics thil man to te chu Cash Memo dahtha zel ila, rukbo thil thu ah chhui let leh awlsam nan.
6) Mahni in leh dawr ah te CCTV vuah ngei ni se.
7) In kan chhuahsan dawnin kan in tukverh te kalh that vek tur a ni.
8) A theih chin chin ah rukru te laka kan bungrua te venghim turin mi tu emaw tal innghak dah thin ni se.
9) Kan thenawmte an chhuah bo hlanin an in lamah ri danglam leh rinhlelhawm a awm em tih te finfiah thin ni se.
Tanpuina mamawh te chuan 112/100 call tur a ni.
