401/2024-2025

Dated Aizawl, the 2nd May, 2024 : Vawiin khan Planning & Programme Implementation Department Committee Room-ah ‘Construction of Solid Waste Management Centre:Phase-I, Hualngohmun’ hmalakna chungchangah Mizoram State Project Monitoring Committee meeting neih a ni.

Vawiin Meeting hi Pu R. Lal Rinawma, IRS (Rtd), Vice Chairman, MSPMC chuan a kaihruai a. MSPMC Members : Dr. Lalrinchhana, Principal Adviser, Planning, Pu George Lalzuia, Pu R. Lalchhanhima, Pi Vanchhungi, Task Force (MSPMC) leh Er. Vanlalruata Sailo, Secretary te an tel a. PWD atangin Er. Hrangthanga Zote, CE, Er. Lalrinngeta, SE, Pi Lalchhandami, Chief Architect leh Pi Lalawmpuii, Supdt. te bakah Dr. Andrew H. Vanlaldika, Director, UD&PA, Pu Lalremruata Kullai, Jt. Commissioner, AMC, Pu V. Lalruatliana, Dy. CEO, Smart City leh Consultancy Firm atangin Co-ordinators - Dr. Lalmuansangi leh Pu Zohmangaiha te an tel bawk a ni.

Mizoram State Project Monitoring Committee hian ‘Construction of Solid Waste Management Centre, Hualngohmun :Phase-I’ hi ni 26.04.2024 (Zirtawpni) khan hna kal mek leh hmalaknate a hmunah an lo thlir tawh a, hmalak chhunzawm zel dan turte meeting-ah hian an sawi ho. ‘Construction of Solid Waste Management Centre, Hualngohmun hi Special Assistance to State Capital Expenditure (SASCE) fund cheng vaibelchhe 16.64 hmanga, total capacity 50 tons (25 tons dry waste + 25 tons wet waste) ni tura buatsaih a ni a. PWD chu Implementing Department a ni a, Nodal Department chu UD&PA Department niin, AMC-in a enkawl zui dawn a ni. Meeting-ah hian he Solid Waste Management Centre Project, Hualngohmun a mi hi hlawhtling taka din a nih theihna tur leh a hmanna tur dik tak angin Aizawl khawpuiin a hman theih nan rawtna tha tak tak te thawh khawm a ni.