India Republic Day, 2015 lawmna Aizawl-a neih tur chungchangah Aizawl DC chuan a hnuaia tarlan ang hian hriattirna a chhuah a, sorkar hnathawk zawng zawng ten ngaipawimawh turin a ngen a ni.

1. Mizoram sawrkar-a Ministers leh MLA rualte’n District dang leh Sub-Division dangah official-a an hman dawn loh avangin Aizawl-ah hmang vek tura ngaih an ni a. Tin, Mizoram sawrkar Order No. F.20016/2/2012-GAD Dt.20.1.2015 chuan sawrkar hnathawk zawng zawngte chu he ni pawimawh lawmnaah hian tel vek (compulsory attendance) turin a hriattir a. Chuvangin Enclosure-X (VIP Gallery)-ah hian kum danga kan dah thin Officials tam tak kan indah vek thei dawn lo a. Mizoram sawrkar-a Secretary leh a tlukpui chin chunglamte chu Enclosure-X ah hian thutna pek vek an ni.

2. Addl. Secretary/ Jt. Secretary leh an tlukpuite pawh Invitation Card-ah chuan ‘Enclosure-X’ (VIP Gallery) pek tur anga ziah vek phawt a ni a, a kal hmasa apiang Enclosure-X ah thuttir zel an ni ang. Enclosure-X a leng bak zawng chu Enclosure-A (VIP Gallery hmarlam chiah)-ah thuttir an ni ang.

3. Compulsory attendance hian Car Parking pawh nasa takin a nghawng dawn a. AR Lammual-ah motor dah vek theih a nih dawn si loh avangin Lammual-a tlan lut thei tur chinte chu Invitation Card pek rualin ‘Car Pass’ pek vek an ni a. Car Pass pek lohte chu motor kawngpui atangin kein Lammualah luh mai a ngai dawn a ni. Ministers leh MLA te erawh chu Car Pass pek kher tul lovah ngaih an ni. Car Pass hi motor windshield-ah Traffic Duty-te hmuh mai theih turin tar ni se. Car Pass ken loh avanga harsatna tawk an awm a nih chuan anmahni mawh a ni ang.

Kan hmunhmain min zawh loh deuh avanga duhthusam anga ruahmanna siam theih a nih loh avangin official-te hriattiamna kan dil e.