Mizoram state bird, Vavu (Hume’s bartailed pheasant) chu vawiin khan Environment & Forests Minister Pu Lalrinmawia Ralte chuan Aizawl Zoological Park-ah a chhuah.

Vavu hi a nu leh a pa niin a petu hi Pu Panova, Chhinga Veng te chhungkua an ni a. Chin Hills chhunga Falam khaw bul lawk, Simching khua ami te’n ramhnuaia ram kang karah a tui, kang chhelo, an hmu fuh a. Chu chu inah ar an awp keu tira , vanneithlak takin a nu leh a pa in a rawn keu a. He khuaa han zin Panova chuan Aizawl-ah hawn thla in, a enkawl puitling a, Sahuan ah hian a hlan ta a ni.

Aizawl Sahuanah hian Vavu paruk a awm sa a, inthlahpung thei turin Breeding Centre-ah dah luh an nih avangin a tlawhtute hmuh theih tura dah chhuah an ni lova. Heng an dah thar pahnihte hi Sahuan tlawhtute en theih tuin an dah a ni.

Vawiin hian Chief Wildlife Warden Pu Liandawla leh DCF (Wildlife) Sourabh Sharma te’n Environment & Forest Minister Pu Lalrinmawia Ralte hi an tawiawm a ni.