District Agriculture Office, Lunglei chuan ni 14.1.2015 ‘Farmers Day’ atang khan 2nd Phase NLUP tanpuina an sem chhunzawm nghal a; vawiin khan Haulawng-ah tanpuina an sem rual hian beneficiaries-te tan ‘Training-cum-Sensitisation Programe’ buatsaih nghal a ni.

He hun DAO Lunglei Pu J.Rothanga kaihhruaiah tanpuina semchhuaktu Joint Director, Agriculture Pu Lalrinliana chuan NLUP hnuaia tanpuina dawng zingah rinawm leh dik taka hmangte chuan hlawhtlinna an hmu zel a, chutih rual chuan a titha lote chu tanpuina hrensak an ni bawk a, chuvangin vawiina Haulawng Cluster chhunga tanpuina dawng beneficiaries-te chu theihtawp chhuah zel turin a fuih a ni.

2nd Phase NLUP-ah hian Agriculture hnuaiah khaw 118 huamchhungah mi 1587 hnenah tanpuina sem mek a ni a, January 2015 thla chhung ngei hian zawhfel tum a ni.

2nd Phase sum sem dan chu hetiang hi a ni :

1. WRC-I = 690 families @Rs.25,000/-

2. WRC-II = 366 families @Rs.24,000/-

3. Oil Palm = 464 families @Rs.38,000/-

4. Sugarcane (Fu) = 67 families @Rs.20,000/-

Vawiin khan Haulawng-ah WRC-I hnuaiah chhungkaw 61, WRC-II hnuaiah chhungkaw 42, Oil Palm hnuaiah chhungkaw 12 leh Sugarcane hnuaiah chhungkaw 12 te hnenah tanpuina sem a ni.