India ram khawpui, Smart City 100 siam tur zingah Aizawl khawpui thlan ve a ni a. Hemi atana proposal siam chu vawiin khan Mizoram Chief Secretary kaihhruai State Level high Powered Steering Committee chuan a pawm fel ta.

Smart City Mission in a tum ber chu nitin khawsak samkhai zawk nan a khawpui vangtlang mamawh chi hrang hrang changkang zawk tura thuamthat a enkawl a ni.

Aizawl Smart City a siam tur a inbuatsaihna hrang hrangte hmawrbawk na atan, Arkitechno Consultants Pvt. Ltd. in Public Consultation hrang hrang neih hnua an rawn duan, ‘Smart City Proposal’ chu State Level High Powered Steering Committee in uluk taka Chief Secretary Conference Hall-a Chief Secretary kaihhruaina hnuaia a ngaihtuah hnuin, vawin ni 11 December, 2015 khan a pawmfel (approved) ta a ni. He Smart City proposal hi ni 15 December, 2015 ah Ministry Of Urban Development ah thehluh a ni a nga, Ministry Of Urban Development lamin a pawm a nih chuan, Smart City 20 thlanchhuah hmasak zingah Aizawl chu a tel ve dawn a ni.