Vawiin ni 11.12.2015 khan Central YMA Hall, Tuikhuahtlang, Aizawl-ah Central YMA, Labour Employment & Industrial Training Deptt. leh Mizoram Youth Commission tangkawpin an buatsaih Condenced Vocational Training Programme kharna hun neih a ni a. Home Minister Pu R. Lalzirliana chu Khuallian niin he hun hi a hmanpui a ni.
Khuallian Pu R.Lalzirliana chuan thalaite fuihna thu tha tak tak sawiin, thalaite chu rampawna hna thawh hreh lo turin a chah a, an hnathawhna reng rengah uluk taka thawk a, tih takzet a an hna thawk tur leh Pathian thu awih a nu leh pa thu ngaipawimawha zawm turin leh displine tha vawng turin a chah a, an eizawnnaah pawh an mahni dawrtute tana dawr leh chakawm tur khawpa an thilsiamah theihtawp chhuah turin a fuih bawk a ,thalaite hmasawnna chungchanga Mizoram Youth Commission hmalakna leh LE&IT Deptt. hmalakna pawh tha a tih thu kalkhawmte chu a hrilh bawk a ni. Fa neih tam hi chawm theih loh a awm tak tak loh avangin kalkhawmte chu fa nei tam turin a chah bawk a ni.
He hunah hian khualzahawm Pu T. Sangkunga, MLA, Chairman, Mizoram Youth Commission chuan MYC hmalakna chi hrang hrangte sawiin, IAS Coaching Class leh Staff Selection Commission Coaching Class hawn thuai a nih tur thu te, Army Recruitment Pre-rally Coaching leh Skill Development pawimawhna kalkhawmte hnenah a sawi a. Mizoram Youth Commission hian Mizoram pawnah mi 3640 training turin a thawn chhuak tawh a, hemi zinga 854 te hian hna an hmu tawh a, Mizoram chhungah training pek tawhte hi 1612 an nih tawh thu a sawi.
He inkhawm hi Pu J. Lalsailova, Treasurer, Central YMA-in a kaihruai a, Condenced Vocational Training-ah hian Aluminium Mistiri, Tailoring, Two Wheeler Repairing, Mobile Repairing, Electric Wiring leh Beauti-Culture te a ni a, mi 374-in Training hi an nei a, a tawp thlenga training chuak chu mi 160 an ni.
