Vawiin khan Mizoram a Minister te leh mitlawmngai engemawzat thawhkhawm hmangin Salvation Army Boys Home, Mualpui-ah Krismas thawmhnaw leh present chi hrang hrang pek an ni a. Intihhlimna hun tha tak hmangin tlaiah ruai buatsaih sak an ni bawk a ni.
Boys Home, Mualpui hi kum 1979 atang khan Salvation Army chuan an enkawl a. Fahrah leh enkawltu neilo an enkawl te, tun hnua mahni kutkea ding an awm nual tawh a. Home enkawlnaah hian mimal thahnemngai taka sum thawh thinte an awm bawk a ni.
