14th Mizoram Higher Secondary School Games, 2015 chu vawiin khan A R Lammual ah Pu H Rohluna, School Education Minister hovin khar a ni.

Zirlai infiammi naupang 700 lai Aizawl khawchhung ami leh Aizawl khawpawn atanga naupang 404 (zavaiin 1104) lai School Games hmanga lo kal te hnenah infiamna hlawhtling taka zawh a ni chu lawmthu sawiin khuallian Pu H Rohluna chuan sum harsatna avangin sports discipline hrang hrangah duh anga chet theih a nih loh avanga pawi a tih thu leh infiamna lam hi sorkar-in a ngaih pawimawh em avang erawh chuan inrenchem tak chunga hmala chho zelin tun dinhmun thleng theia hlawhtlinna tha tak neih a ni chu lawmawm a tih thu a sawi.

Physical Games leh ruihtheih thil hi a in hmeh lova, kan khawtlang nunah pawh midangte nen khawsak hona ah ruihtheih thil hi chu sual a niin a in rem lo tiin, Pu Rohluna chuan kan taksa hriselna atan zirlaite leh infiammite chauh lo pawhin Physical Exercise hi uara taksa sawi zawi ngun hi hriselna a ni tih mithiamten an sawi fova hei hi kan zawm tur a ni, a ti a. Tuna Games khar hi game tawpna a ni lova, infiamna hi eizawnna a tling tawh a tuna dinhmun sang pha lo te pawhin chance tha tak an la nei zel tih inhria a lawmman la te pawh inthlahdah lova, tanla zel turin a fuih a. Medal dawngte a lawmpui laiin a dawng lo te pawhin hun tha an la nei a ni tih inhre turin a chah a ni. Infiamna a ti thate hnenah khuallian Pu H. Rohluna hian lawmman a sem nghal a ni.

Khualzahawm Pu Joseph Lalhimpuia, Parliamentary Secretary, Education Department chuan infiamna a ti tha te hnenah lawmman a sem a. Pi C. Lalmalsawmi, Secretary, Organising Committee, 14th MHSSG, 2015 & PEO, Education Department in report a pe a, Taekwondo Mission Team ten demonstration hmuhnawm tak an entir a. Pu Vanlalnghaka, Jt. Secretary, Organising Secretary in lawmthu a sawi zawhah khuallian hian Games chu a khar a ni.