No.4172/2021-2022
Dated Aizawl the 3rd March, 2022: Superintendent of Police, Traffic : Aizawl chuan mipui vantlang leh lirthei hmangtute him nan leh hnathawktuten hna tluang taka an thawh theih nan a hnuaia mi ang hian mipuite tan Hriattirna a tichhuak:
Dinthar leh Tennis Court inkar kawng tihzauh hna thawh mek a nih avangin, helai kawng hi 'one way' tura ruahman a ni a. Dinthar kawn atanga Tennis Court kal turte chu a pangngaiin an kal thei ang a, Tennis Court atanga Dinthar lam kal turte erawh chu Temple to Vaivakawn Road-ah kal tur a ni. Tin, hnathawh tibuai thei turin hnathawhna huamchhung kawngpui sirah lirthei leh bungrua engmah park/dah phal a ni lo. He thupek hian ni 3.3.2022 atanga hna thawh zawh a nih hma chu a huam ang.
He thupek hian chhiatrupna thil, kangmei leh emergency kaihhnawiha duty, Dan leh Thupek pawimawh bika Duty-te chetvelna a huam lo ang.
