2092/2025-2026

Aizawl the 11th September, 2025 : Mizoram State Sorkar Notification No.B. 12021 /10/04-TRP Dt.22.8.2008 leh Section 115 & 117 of MV Act 1988-in thuneihna a pek angin leh Shri. Narendra Modi, Hon'ble Prime Minister of India-in ni 13.9.2025 (Inrinni) ah Mizoram a lo tlawh dawn avangin Traffic Sr. Superintendent of P{olice Pu Ruatsanga Ralte, MPS chuan, a hnuaia mi ang hian thupek a chhuah.

He thupek hian Public Notice vide No. RO/TRF/SP-Noti-7/08/728 Dated Aizawl, the 10^th September, 2025 hmanga lo chhuah tawh chu a luahlan ang.

Ni 13.9.2025 (Inrinni) zing Dar 06:00 atanga Dar 11:30 inkarah Hon'ble Prime Minister of India chet velna tibahlah thei turin a hnuaia kawngpui dung tarlanahte hian lirthei, bungrua leh thildang engmah dah phal a ni lo.

Thuampui, Bawngkawn, Ramhlun North, Ramhlun Venglai, Ramhlun South, Chaltlang Lily Veng, Chaltlang, Chanmari, Zarkawt, Dawrpui leh Venghlui huam chhung kawngpui dung.

Lengpui, Sihhmui, Sairang Zero Point, Phunchawng, Rangvamual, Hunthar, Company Peng, Edenthar leh Bawngkawn.

Thuampui atanga Bawngkawn Hmar Veng kawng, Thuampui Helipad kaltlangin.

A chunga kawng dung tarlanahte hian ni 13.09.2025 (Inrinni) dar 08:30 AM atanga 11:30 AM chhungin a tul dan angin lirthei che vel khuahkhirh leh tih danglam chang a awm dawn tih mipuite kan in hriattir a. Lirthei veivak ten harsatna kan tawh loh nan leh hun kan sen thlawn loh nan lo inhmakhua a, pumpelh dan kawng zawng turin kan inngen a ni.

Tin, a hnuaia tarlan ang hian lirthei HMV, MMV, 407 Truck leh a tlukpuite chu Aizawl khaw chhung luh leh tian tlang phal a nih dawn lo tih kan in hriattir bawk e.