2091/2025-2026

Dated:Mamit the 11th of September, 2025 : Vawiin chawhnu khan DC Conference Hall, Mamit-ah “Aadi Karmayogi Abhiyan - Responsive Governance Programme” hnuaia hmalakna tur hrang hrang pholanna neih a ni.

Pu K. Laltlawmlova, District Bawrhsap chuan kum 2047-a developed country ni tura hma a lakna atan Aadi Karmayogi Abhiyan a duang a, chumi hnuaiah chuan tribal mite'n hmasawnna hmel kan hmuh theihna a nih dawn avangin Department tinte kan tanrual a tul dawn a, kan theihna leh tihtur kan neihahte theih tawp chhuah turin a sawm a ni.

Pi Lalrampari, SDC, District Nodal Officer, Aadi Karmayogi Abhiyan chuan he programme hnuaia hmalakna tura duan hrang hrangte, district level a kalpui dan tur leh he hmalaknain a huam chin tur leh a kaltlang turte chipchiar takin a lem nen sawizauna a nei a ni.

He hunah hian Mission Foundation Movement, Partner CSO Mamit District atang hun an hmang bawk a ni.

Aadi Karmayogi Abhiyan hnuaiah hian India ramah states 26, District 549, Blocks 2900 leh Tribal Village 63000 a huam dawn a, Mizoram chhungah District 8 (pariat) kan tel dawn a ni, he hmalakna hi kum 2047-ah India ram chu Developed country-a hlangkai tura hmalakna a nih angin, kum 2030-ah chuan he programme hi zawh tura ruahmanna kalpui a ni bawk.

District Level Orientation on Aadi Karmayogi Abhiyan- Responsive Governance Programme-ah hian Mamit District chhunga Heads of Department, Line Department te an tel a ni.