Union Home Minister, Shri. Amit Shah chuan dt. 5.10.2019 (Inrinni) hian Mizoram a rawn tlawh dawn avangin ni 5.10.2019 zing dar 6:00 AM atanga tlai dar 4:30 PM inkar chhungin Thuampui Helipad junction atanga Raj Bhawan inkar via Bawngkawn, Chaltlang, Chanmari, Govt. Mizo High School Field Zarkawt, Dawrpui, Zodin Square, Treasury Square kawngpui sirah lirthei engchimah dah/park phal a ni lo. Tin, VVIP hi Lengpui to Raj Bhawan hi by road a, a kal erawh chuan, Lengpui - Company peng Junction - Hunthar -Vaivakawn - Dinthar - Tuikual - Temple Square - Tennis Court kawngpui sirah lirthei engchimah dah/park phal a ni lo. Tin, insakna bungrua leh thil dang kawngpui ti hnawk thei chi engmah kawngpui kama dah lo turin Sr.S.P, Traffic, Aizawl chuan hriattirna a chhuah.

Union Home Minister hi Dan in a phut anga zalen taka a chetvel theihna tura lirthei tlandan leh hun (park) dan ruahmanna siam hi mipuite pawhin hrethiam a zawm turin a ngen a. Dt. 5.10.2019 zing dar 9:00AM- 4:30PM inkar hi chuan heng sawitak kawngpuiah hian lirthei duh ang angin a tlan theih dawn lova, lirthei neitute leh hmang tute pawh tum lohna lamah tlantir a ngaih chang leh rei deuh tak in dintir angaih hunte pawh a awm dawn avangin hemi kawngpui-ah hian hemi hun chhung bikah hi chuan kan lirthei hmang tam lo tura lo inhmakhua lawk turin a ngen a ni. Tin, lirthei chhia kawngpui sira dahte pawhin lirthei chhia te lo senghawi vek turin a ngenin a hriattir bawk a ni.

Dt.5.10.2019 (Inrinni) hian Hrangbana College, Chanmari leh Govt. Mizo High School Field inkara chawhmeh zuar thin te pawh hemi ni hian zing dar 9:00AM thleng bak a inzawrh theih dawn lova, he lai kawngpui inkar hi dar 9:00AM hnu lamah chuan Zarkawt Traffic Point atanga High Field Mc Donald Hill inkar kawngpui chu tihruah vek tur ani.