Khawzawl District huamchhunga awm Sialhawk khuaa Lungvazau a leilet neitute chuan nimin (2.10.2019) khan lozawh runpui an nei. He hun hi Champhai District Agriculture Officer Pu George Lalthanngura chuan khuallian niin a hmanpui a, Khawzawl Sub-Divisional Agriculture Officer leh staff thehkhatin an tawiawm a ni.

Sialhawk Lungva zau lozawh runpui neihah hian DAO chuan Lungva zau a leilet neituten lo zawh runpui an neih hmanpui tura an sawm chu lawmawm a tih thu a sawi a. Leilet neitute chu an hmalak leh zelna turah duhsakna hlanin nakin zelah harsatna te an tawk a nih chuan district office chuan puih a inpeih reng thu a hrilh.

Sialhawk Lungva zauah hian leilet nei mi 54 vel an awm mek a, lozawh runpuiah hian ni 230 chuang an tel thei a ni.

Champhai DAO hian Khawzawl District chhung, Biate tlangdung fangin Biate ram Tuipui leh Zawngtah zau a leilet te, Sialhawk a Lungva zau a leilet te chu a hmunah kalin a tlawh a, heng ram a tlawhnaah te hian leilet neitute nen inkawmin leilet neituten harsatna an tawh an thlen te a ngaihthlaksak a. Khawhai khuaa Agriculture Department Circle pawh a hmunah kalin a tlawh bawk a, Khawhai Agriculture Circle Office a thu tur Staff dah turin tunah hian hmalak mek a ni.