231/2025-2026

Dated the 21st April, 2025 : Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna min pek ang leh ni 19.4.2025 (Inrinni)-a Local Council te - Tlangnuam, Tlangnuam Vengthar, Tlangnuam West, Kulikawn leh St. Paul's H.S.S, Mary Mount School aiawh te nen sawiho anih hnuah zirlai hruai lirthei chevelin Kulikawn leh Tlangnuam area-ah traffic jam nasa tak a thlen thin tihziaawmna turin ni 21.4.2024 (Thawhtanni) atanga hman tan turin a hnuaia tarlan ang hian lirthei tlan dan tur ruahmanna thar siam a ni. He ruahmanna hi a tul anga hman zui emaw a tul anga tihdanglam theih a ni ang a, ni 28.4.2025 (Thawhtanni)-ah thlirho a nih hnuah hman chhunzawm zel dan tur thutlukna siam a ni ang.

  1. Zing Dar 07:30 - Dar 09:00 chhung hian Tlangnuam lam pan tur reng reng, School naupang hruai leh lirthei dangte (LMV leh Two Wheeler) chu Kulikawn atangin a chho zawng chauha tlan phal a ni ang a, Tlangnuam Mualvengah chhuak chhoin Tlangnuam Vengthar leh Hridaikawn lamah an chhuk thla leh ang. Two Wheeler-te chu a let zawngin Kulikawn panin tlan thlak phal a ni ang.
  2. Salvation Biakin, Kulikawn leh Mary Mount School inkara cheng; lirthei ke pali nei (LMV) hmanga chhuak turte pawh zing Dar 07:20 - Dar 09:00 inkarah chuan Kulikawn lamah tlan chhuk phal a ni lo ang a, Tlangnuam Mualvengah chhuak chhoin Hridaikawn/Tlangnuam Vengthar lam atanga kal tur a ni. Hei hian Two Wheeler a huam lo vang.
  3. Saikhamkawn to Tlangnuam Mualveng via Tlangnuam Vengthar leh Hridaikawn to Tlangnuam Mualveng lamah zing Dar 07:20 - Dar 09:00 inkarah lirthei ke pali nei (LMV) te chu tlan chhoh phal a ni lo. Hei hian Two Wheeler a huam lo vang.
  4. Kulikawn to Hridaikawn via Dr Pika Road/Kulikawn CP Road lamah LMV chin chunglam te zing Dar 07:20 - Dar 09:00 inkarah tlan luh phal a ni lo. Hei hian Two Wheeler a huam lo vang.
  5. Zing Dar 07:00 - Dar 09:00 inkarah a hnuai tarlan kawngpui dungah te hian lirthei eng chi mah dah/park phal a ni lo.

i)        Kulikawn to Tlangnuam Mualveng inkar.

ii)       Kulikawn Dr Pika Road/CP Road to Hridaikawn inkar.

iii)     Hridaikawn atanga Tlangnuam Mualveng inkar.

iv)     Saikhamakawn to Tlangnuam Kawn via Tlangnuam Vengthar.

6.  Lirthei tlandan azirin zing Dar 09:00 hmalam/hnulam atang chuan heng  kawngah te hian tlan dan phung pangngaiin lirtheite tlan leh theih a ni ang.