230/2025-2026

Aizawl, the 20th April, 2025: Mizoram Larsap, General (Dr) Vijay Kumar Singh, PVSM, AVSM, YSM (Retd) chuan tukin khan 'AHRR Delhi Soldierathon 2025 - Run with Soldiers and Run for Soldiers' tih thupui hmanga buatsaih chu Army Hospital Research & Referral, Delhi-ah Khuallian niin a telpui a, Soldierathon-a tel mi 4,000 bawr velte chu a vailiam a ni. He marathon hi 'Fitistan - Ek Fit Bharat' te buatsaih niin, sipai hliam tuarte enkawlna hmun, Paraplegic Rehabilitation Center, Kirkee, Pune tanpui nana ruahman a ni.

Mizoram Larsap, General (Dr) Vijay Kumar Singh (Retd) chuan Soldierathon buatsaihah a tam thei ang ber an tel ngei theih nana hmalak a nih thu sawiin, hemi kaltlang hian mipuite pawh sipai rualin an tlan theih bakah, taksa sawi zawi nana tlan pawimawhna zirtir pah tum a nih thu a sawi a. Soldierathon-ah mi 4,000 bawr vel an inziahluh thu a sawi bawk.

Soldierathon hian ram tana martarte leh hliampui tuarte chawimawi a tum a. Ram pumah ram tana nunna hlu tak hlantute ngaihhlutna, abikin thalaite'n an chin deuh deuh theih nana hmalak chu ngaihpawimawh a ni a. Chhum lo chat lova 24x7 chhung ram venhim hna thawktu, inpumkhatna leh ram inrelbawl hran kan nihna vawnhim kawnga hmalatu sipaite chhuanna thinlung mipuiteah tuh a tum a ni.