445/2025-2026
Dated the 2nd May, 2025 : Aizawl Sr SP chuan Mizoram State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act, 1988-in thuneihna a pek angin ni 29.04.2025 (Nilaini)-a Chaltlang Local Council, Mt. Carmel School, Noah's Foundation School, Kids Den School aiawh te nen School naupang kal hun laia Chaltlang area-a traffic jam tihziaawm nan Ni 05.05.2025 (Thawhtanni) atanga hmantan turin a hnuaia tarlan ang hian Chaltlang area-a lirthei tlan dan tur ruahmanna thar a siam:-
- Zing dar 08:00-09:00 inkarah Chaltlang Dawrkawn to Chaltlang Tourist Lodge kawngpui phei (main road) chu lirthei ke pali nei, LMV leh a chunglam tan One-Way tur a ni a, Chaltlang Dawrkawn lam atang chauhin tlan luh phal a ni ang. Hei hian Two Wheeler-te erawh a huam lo vang.
- Mt. Carmel School naupang hruai; lirthei ke pali nei (LMV) te chu Mt. Carmel School pengah in drop in, Pi D.Lalengliani In bul dinglama pengah kalin Sericulture Office (Directorate of Sericulture) lamah an haw ang.
- Noah's Foundation School leh Kid's Den School naupang hruai; Two Wheeler-te chu School naupangte an thlah/drop fel hnu ah an kawng ngai ah an haw let leh thei ang. Lirthei ke pali nei (LMV) te chu Chaltlang Field lamah tlan tlang phei zelin; Thlanmual atanga lo kual chhuakin Ruamveng lamah an tlan thla ang a, Sericulture Office (Directorate of Sericulture) bulah an chhuak thla ang. Tin, Chaltlang Thlanmual leh Chaltlang Salem Veng lama kalin Hrangbanna Filling Station leh District Transport Office, Aizawl lamah a chhuah thlak theih bawk ang.
- Zing dar 08:00-09:00 inkarah Sericulture Office (Directorate of Sericulture) bul peng atangin eng lirthei mah Chaltlangah tlan luh chhoh phal a ni lo.
- Zing dar 08:00-09:00 inkarah Chaltlang Dawrkawn atanga Chaltlang Local Council House inkarah lirthei eng cbi mah dah/park phal a ni lo.
He ruahmanna hi traffic dinhmun azirin a tul anga hman chhunzawm leh thlak danglam theih a ni ang.
