446/2025-2026

Dated The 2^nd May, 2025: Vawiin khan Hon’ble Health Minister Pi Lalrinpuii chuan ni 2 awh, National Ayush Mission Conclave, 2025” Lonavala, Pune a neih mek  chu  chhim vein, Mizoram chu best performing states te zingah thlan tel ve  a nih bakah,Health Minister Pi Lalrinpuii’n he  conclave a chhim ve hi Ministry of AYUSH hian an lawm hle a ni.

Hon’ble Health Minister, Mizoram Pi Lalrinpuiin chuan  Conclave-ah hian thu sawiin, Mizoram sawrkar in NATIONAL AYUSH MISSION hnuaia an hmalakna leh hmachhawp hrang hrangte sawiin, theitawp an chhuah zel tur thu  a sawi a.  Ministry of AYUSH in an mamawh leh harsatna an thlen te tha taka an lo dawng sawng thin chu lawmawm a ti thu sawiin,he an thawhhona tha tak avang hian Mizoram State chuan NATIONAL AYUSH MISSION kal tlang hian  India ramin Ram hmasawn leh changkang(VIKSHIT BHARAT) nih tuma rahbi a tuknaah,chhenfakawm takin tha a thawh( significant Contribution) ve mek a ni, a ti bawk.

He Conclave-ah hian Dr. S. Mara Thansiami, Deputy Director, Ayush chuan  Power point presentation hmangin “Best Practices On Financial Management, Monitoring & Evaluation For Successful Outcome Of The Scheme” tih thupui hmangin presentation a pe bawk.

He Conclave-a khuallian  Shri Prataprao Jadhav, Hon’ble Union Minister of State (IC), Ministry of Ayush and Union Minister of State, Ministry of Health & Family Welfare chuan "Mizoram-a AYUSH in ke a pen dan ropui tak hian NATIONAL AYUSH MISSION kaltlang hian  State te zawk leh kilkhawr zawk pawhin mipui banphak inenkawlna tha pekna kawngah hma an hruai thei tih a tilang chiang hle a ni" a ni, a ti.

Pu  Vaidya Rajesh Kotecha, Secretary, Ministry of Ayush pawhin ‘Mizorama  National AYUSH Mission hmalakna hian kum upa lam enkawlna (geriatric care) a tipung hle a, awlsam zawk a damlo hnena damdawi pek chhuah leh inenkawlna tlakchhamna hmunah hmasawnna tur kawng a hawng mek a ni." a ti bawk.