1107//2023-2024

12th July, 2023, Aziawl: Aizawl Sustainable Urban Transport Project (ASUTP) chungchangah nikhat awh Workshop chu ni 12.07.2023 hian Mizoram Rural Bank Auditorium, MINECO, Khatla, Aizawl ah neih a ni. He Workshop thupui hi “Finalize Scope and Work Plan for Feasibility Studies for Identified Projects” tih a ni. He project hi UD&PA Department hnuaiah Asian Development Bank (ADB) puihna in Project Management Unit in a enkawl a ni.

He Project hnuaiah hian Aizawl leh a chhehvel tan Comprehensive Mobility Plan (CMP) chu Project Management Unit (PMU), UD&PA Deptt. kaihhruaiin Project Planning, Design and Management Consultant (PPDMC) – Mott MacDonald Pvt. Ltd. in a buatsaih mek a ni. He CMP hian a tum ber chu tun atanga kum 20 chhung atana Aizawl khawpui than dan mila mipui chetvel leh veivahna awlsamna tura ruahmanna siam a ni.

He hunah hian Pu Lalmalsawma Pachuau, Secretary, UD&PA Department & Project Director, PMU, ASUTP chu Chairman niin Workshop-a lo tel te lawmna thu a sawi a, Pu Vanlalchhuanga, Principal Secretary, Finance Department in he workshop hi a hawng a. Hawnna thu sawiin Pu Vanlalchhuanga chuan ASUTP hnuaia project thawhnan hian ADB atanga loan lak tur anih angin fimkhur taka project thlan leh ruahman a ngaih thu a sawi a, kalkhawmte zalen taka sawihona nei turin a sawm a ni. Pu Manish Rege, Team Leader, PPDMC in ‘Feasible Project’ nihphung leh awmzia te a sawifiah a. Non-Motorized Transport (Corridor/ Vertical/ Skywalk) chungchang leh a pawimawhna te PPDMC lam atangin ngaihthlak a nih bakah Ropeway Service a awm theihna tura hmalakna chungchangte ngaihthlak a ni bawk.

He Aizawla mipui chetvelna tur ruahmanna zirhonaah hian thil hrang hrang- Non-Motorised Transport, Skywalk, Vertical Mobility, Ropeway, Maxi-Cab, Bus leh Truck Terminal, Motor Vehicle Parking leh Aizawl tlak lama Aizawl Bypass Road siam thar tur zuk pawh dan tur hrang hrangte zirho a sawiho a ni. He zirhonaah hian a kaihhnawih Department hrang hrang leh pawl hrang hrang- Finance Deptt., Land revenue & Settlement Deptt., Traffic Police, FCS&CA, PWD, P&E, Commerce & Industry, MIRSAC, Planning Deptt., LAD, Transport Deptt. te bakah Mizoram Architect Forum, Mizoram Maxi Cab Owner’s Association, Aizawl City Bus Owners’ Association, Aizawl Two-Wheeler Taxi Association-te leh private coanstruction contractor thenkhatte pawh an tel a ni.

He zirhona hi session hrang hrangah then niin, Pu H. Lianzela, Director, UD&PA & Addl. Project Director, PMU, ASUTP leh Pu Chuauhnuna, Deputy Secretary, UD&PA & Project Manager, PMU, ASUTP te kaihhruaina hnuaiah neih a ni a. PPDMC- Mott MacDonald Pvt. Ltd. atang hian mithiam (Expert) hrang hrang- Non-Motorised Expert, Ropeway Expert, Highway Design Expert, Geotechnical Expert, Institutional Development Expert leh mithiam dangten Aizawl khawpui an zir mek dan kalkhawmte an hrilhfiah a ni.

He Aizawla mipui chetvelna tur ruahmanna Workshop ah hian thupui hrang hrang zirho a ni a, chungte chu: -
Non-Motorised Transport (Corridor/Vertical Mobility/ Skywalk)
Development of Ropeway Services
Rehabilitation/improvement of City Bus Services
Regional Terminals (Maxi-Cab, Bus & Truck)
Multi-Level Off-street Motor Vehicle Parking
Greenfield East West Connectivity (Aizawl tlak lama Aizawl Bypass Road siam thar tur zuk pawh dan tur)

Pu Anbuchezhiyan Sundaram, Urban Transport Specialist, PMU, ASUTP in he Workshop khaikhawmna hun hi hmangin, Pu Andrew Lalhruaia, Joint Director (Plan), & Project Manager, PMU, ASUTP in lawmthu sawiin Workshop hi a khar a ni.