412/2024-2025

Aizawl the 34d May, 2024 : Mizoram sawrkarin Asian Development Bank (ADB) hnuaia Project Readiness Financing (PRF) hmanga Aizawl Sustainable Urban Transport Project (ASUTP) kalpui mekah 'ADB PRF MISSION VISIT' chu May ni 1 atanga vawiin May ni 3, 2024 chhung an rawn nei, ADB lam atanga rawn kal te chu:
1. Mr. Shuji Kimura, Sr.Transport Specialist (Mission Leader)
2. Mr. Kaushal Kumar Sahu, Sr. Project Officer (Mission Member)
3. Mr. Alok Bhardwaj, ADB Staff Consultant (Mission Member)

May ni 1 chawhnu khan Lengpui Airport-ah rawn thlengin, site visit neih nghalin Sihhmui-ah Bus leh Maxi Cab Terminal leh City Bus Depot tur en nghal a ni a. Hemi zawh hian Sairangah Truck Terminal hmun tur leh Hunthar Veng-ah Ropeway station tur en leh nghal a ni bawk. Site visit neih zawh hnu hian tlaiah Director’s meeting room, UD&PA Department, MINECO, Khatla-ah meeting neih a ni zui a. Meeting hi Dr. Andrew H. Vanlaldika, Director, UD&PA Department & Additional Project Director, PMU, ASUTP in kaihruaiin, Pu Andrew Lalhruaia, Joint Director (Plan) & Project Manager, PMU, ASUTP-in ADB Mission visit programme tlangpui sawifiahna hun a hmang a, ADB lam atangin inhmelhriat tirna leh an rawn kal chhan te an sawi bawk. Pu Anbuchezhiyan Sundaram, Urban Transport Specialist, PMU, ASUTP-in PRF hmalakna hrang hrang leh hmasawn dan te a sawi a, PPDMC (Mott MacDonald Pvt. Ltd.) atangin Pu Manish Rege, Team Leader-in an hnathawh dan leh an hmalak tawhna te an sawi bawk a ni. Pi Zarzokimi, Joint Secretary, UD&PA Department chuan lawmthu sawina hun hmangin meeting hi tih tawp a ni.

Nimin May ni 2 khan site visit neih a ni a, heng hmunte hi tlawh a ni: -

1. Preferred Ropeway Alignment: Green Line (G1 to G8): MZU – Tanhril – Solomon Temple– CMO – Ramhlun
2. Truck Terminals: (i) Bung Bangla
3. E-bus Routes and depot locations: Lengpui to Chaltlang route (29.9 km) and depots at Chaltlang
4. Skywalk: Mission Veng to Salem Veng to RG Stadium
5. Corridor and Junction improvements: (i) Kulikawn to Bawngkawn, and (ii) Temple square to Vaivakawn
6. Vertical Mobility: Vaivakawn to Zarkawt

Vawiin May ni 3 zing dar 6:30 aṭangin site visit neih leh niin hengte hi tlawh a ni:-
1. City Bus Depots & Terminals: (i) Berawtlang, Zemabawk, Bung Bala,
2. Preferred Ropeway Alignment: MINECO leh Ebenezer te tlawh a ni.

UD&PA Director’s meeting room, MINECO, Khatla-ah meeting neihpui leh niin, meeting hi Pi Zarzokimi, Joint Secretary, UD&PA Department-in a kaihruai a, ADB Mission Team atangin site visit-a an thil hmuhte sawiin hmalakna tur ṭul leh rawtna hrang hrang an neihte an sawi a ni. Hemi hnu hian Pu Anbuchezhiyan Sundaram, Urban Transport Specialist, PMU, ASUTP-in PRF hnuaia Contract Award and disbursement chungchang leh PRF activities hrang hrangte a sawi. PPDMC (Mott MacDonald Pvt. Ltd.) atangin Pu Manish Rege, Team Leader in Preliminary Project Report (PPR), Environment Management Plan (EMP), Environment Impact Assessment (EIA) and draft Social Safeguard (Resettlement Plan) Report leh an hmalak tawhna te a sawi bawk. Hemi hnu hian Pi Linda Zomuanpuii, Deputy Director (Acct.), UD&PA Department & Sr. Acct. Officer, PMU, ASUTP-in lawmthu sawiin meeting hi tih tawp a ni.

Aizawl khawpui hmasawnna leh mipui chetvel awlsamna turin Aizawl Sustainable Urban Transport Project (ASUTP) hnuaiah hmalak ṭan a ni a. He Project atan hian Asian Development Bank (ADB), atangin Aizawl Urban Transport atan fund ṭhahnem tak hmuh beiseia hmalak mek a ni. ADB kalphung angin tunah hian hmalak mek niin, Aizawl khawpui chhung kawng leh inkal pawhna zirchiangtu tur mithiam Mott MacDonald Private Ltd., Noida, India chu cheng vbc. 32.8 in rawih an ni. Consultant-te nen hian Mizoram sawrkarin ni 8th December, 2021 khan Agreement siam a ni a, anni hian 18th January, 2022 khan hna ṭanin Aizawl an thutchilh mek a ni.

Vawiin hian Pu Lalmalsawma Pachuau, Secretary, UD&PA Department & Project Director, PMU, ASUTP hovin thutkhawm hnuhnung (wrap-up meeting) neih a ni bawk a. ADB Mission team te hian PRF hmanga hnathawh hrang hrangte a hmuna an endiknaah sawrkar hmalakna chu a lawmawm an tih thu sawiin, ASUTP hi a hlawhtlin ngei an duhin an beisei thu an sawi a ni.