1489/2022-2023
Aizawl the 7th August, 2022 : Urban Development & Poverty Alleviation (UD&PA) Department-in Aizawl Sustainable Urban Transport Project (ASUTP) a kalpui mek chungchangah Project Management Unit (PMU), UD&PA Department chuan a hnuaia mi ang hian mipuite tan Hriattirna / Sawifiahna Thuchhuah a siam a ni :-
Urban Development & Poverty Alleviation (UD&PA) Department, Govt. of Mizoram, chuan Aizawl Sustainable Urban Transport Project (ASUTP) a kalpui mek a. He Project hi Asian Development Bank (ADB) bultum sak (funded) a ni. ASUTP zirchiangtu atana Consultant a rawih mek Mott Macdonald Private Ltd. (www.mottmac.com) chuan hna thawk tanin an hnuaiah Survey hrang hrang, a bik takin Aizawl khawpui tana Comprehensive Mobility Plan (CMP) buatsaihna tura zirchianna hi an kalpui mek a ni.
He CMP zirchiang tur hian tunlai hian Survey hrang hrang Aizawl khawpui chhungah kalpui a ni a, chung survey zingah chuan Mi tin/In tin ten lirthei an hman dan leh Aizawl khawpui chhunga lirthei chetvel dan hriatthiam nana zirchianna ‘Household Travel Survey’ - kalpui mek a ni. He survey atang hian Aizawl-a mipui nawlpui dinhmun, an chetvelna hrang hrang, harsatna an tawh mek zirchian a, chumi atanga ruahmanna mumal tak siam a ngaih avangin zawhna chipchiar tak an buatsaih a ni. Entirnan - chhungkaw pakhatin an fate school kalna atana an senso, an lirthei hman thin, school thleng tura hun an mamawh zat leh a kaihhnawih tul dang dangte hre turin hma an la a ni ber mai.
ASUTP tana survey hi UD&PA Deptt. hriatpuinain Mott Macdonald Private Ltd Consultant ten Survey Agency pakhat UMRS Market Research Pvt. Ltd an lo ruai ve leh chhawng a ni. Survey Agency te hian Aizawl khawpui chhunga In zawng zawng an survey dawn lo a, hei hi sample survey a ni dawn a, Aizawl hlimthla lan phakna tura ngaih chhungkaw 4000 vel chauh survey an tum a ni. Survey tura kal chhuakte hian Identity Card bakah Local Council te lo hriatpui leh lo tanpui tura ngenna keng tel tura hriattir vek an ni. He Survey changchawia tute emaw thil diklo lo ti leh remchang la an awm palh thei a, an ID pawh lo ensak a, a tul anga lo zawt chiang hreh lo turin kan ngen a ni.
He Survey-a zawhna hrang hrangte hi CMP Toolkit Guidelines, Ministry of Housing and Urban Affairs (MoHUA), Govt of India in a duan ang thlapa siam a ni a, chutih rualin siamrem ngai deuh a awm ni a hriat a nih avangin Department-in lo enzuipui erawh chu kan tum a ni.
Aizawl khawpuia lirthei leh mipui veivahna a lo awlsamna tura Zirchianna (Survey) kalpui mek hi, UD&PA Department chuan Local Council leh mitinte an theihna zawn theuhah lo tawiawm a, department hmalakna lo thawhpui turin kan ngen in kan sawm che u a ni.
