1490/2022-2023

Siaha; the 8th August,2022: Vawiin chawhma dar 10:00Am khan Pu Lalsangliana, District Election officer leh bawrhsap ni bawk chuan VC 8 a By-election a hman tur Final E/Rolls a tlangzarh.

By-Election neihna tur VC te chu:

1) 20-New Colony-IV(Seat 1)

2) 32-Lobo-I(Seat 1)

3) 94-College Vaih-III(Seat 6)

4) 95-Iana-II(Seat 4)

5) 96- New Colony-V(Seat 6)

6) 97-New Siaha West-II(Seat 6)

7) 98- Siaha Vaihpi Bazar(Seat 5)

8) 99-Supha (Seat 4)

New Colony -IV a VC member pakhat bang hmunruak leh Lobo-I a VC member Pakhat boral ta hmunruak tih lo zawng, VC 6 te khi VC din/Siam thar te an ni.

Vawiin Final E/Roll tlangzarh tak hian 12th MADC General Election a E/Rolls kha Draft Rolls ah a hmang a, qualify date atan 1/1/2022 a hmang a ni.

Draft E/Roll atangin vote 3 belh(Addition) leh Vote 22 paih(Deletion) a awm a, tichuan Final E/Roll hi Draft E/Roll aiin voter 19 in a tlem zawk ta a ni. Deletion hi mithi an ni tlangpui a ni.

VC 8 a By-election neih turah hian chhungkaw 926 awmin, voters 3325( Mipa-1565 & Hmeichhe1760) an awm mek a ni.

Vawiin Final E/Roll tlangzarh zawhah hian DEO Pu Lalsangliana chuan Political Party hrang hrang aiawh lo kal te hnenah Final E/Roll copy 2 theuh a hlan hlawm bawk. Final E/Roll tlangzarh Programme-ah hian Addl.DC leh concern official te bakah Political Party hrang hrang aiawh te leh NGOs aiawh te an tel a ni.