44/2025-2026
Dated the 4th April, 2025 : Aizawl to Lengpui road via Sihhmui kawnga Tlawng Lei (Bridge) dawh that hna thawh mek chu Tlawng lui chunga a awmna turah dawh kai tura peih fel a ni tawh a. Hna thawh hun chhung hian road block a ngaih dawn avangin leh hnathawktu ten tluang tak leh ngawrh taka an thawh theih nan leh Sr. Executive Enginner, PWD. National Highway Division-I, Aizawl in a dil angin Aizawl SP chuan Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek ang in he kawng a lirthei tlan dan tur a hnuai ami ang hian thupek a chhuah.
- Ni 06.04.2025 (Sunday) tlai dar 4:00 PM atanga ni 08.04.2025 (Tuesday) tlai dar 5:00 PM chhung hian Sihhmui leh Lengte peng inkar kawngpui hi khar tur a ni a, lirthei eng chi mah tlan phal a nilo.
- Lengpui Airport leh Mamit lam kal tur leh heng hmun atanga Aizawl kal tur lirthei te'chu Buichali lamah kal tur a ni ang.
He thupek hian 06.04.2025 (Sunday) tlai dar 4:00 PM atanga ni 08.04.2025 (Tuesday) tlai dar 5:00 PM chhung a huam ang. He thupek bawhchhia chu u/s 179 Motor Vehicles Act, 1988 hmanga hrem theih an ni ang.
