Sr. SP Traffic, Aizawl chuan Durtlang leh Bawngkawn inkar kawngpui siamthat hnathawh mek tluang taka a kal theih nan leh mipui vantlang he kawng hmangtute harsatna sutkian a nih beiseiin khawtlang hruaitute nen inrawn a nih hnuah a hnuai ami ang hian helai kawng siam changchangah hian thupek a chhuah.
Ni 27.3.2018 atanga kawng siam zawh anih hma chuan a hnuaia thupekte hi zawm tur a ni:
1. Ni 27.3.2018 (Thawhlehni) bikah chuan Leitan (Damdawi In, ATC, Doordharshan, etc. junction) siam anih lai chuan lirthei eng chi mah helai junction-ah hian a kal tlang theih dawn loh avangin dar 10:00 AM - 1:00 PM chhung chu Leitan kaltlanga Durtiang lam atangin emaw Bawngkawn lam atanga Lirthei tlan tlang phal a ni dawnlo
Ni 27.3.2018 (10:00 AM - 1 :00 PM) kawngpui dan (Blocked) anih chhung hian Bawngkawn -Durtlang leh Durtlang -Bawngkawn kal duhte tan Thuampui -Selesih Vety College via Zuangtui road ah a tlan theih ang.
2. Ni 28.3.2018 (Nilaini) atang chuan kawngpui zat ve zel siamin a zat ve dangah motor intlan chhawk tir tum a ni.
3. Bawngkawn leh Durtlang kawng siam anih chhungin motor eng chi mah kawng siamna dal emaw lirthei tlan mekte tlan lai tikhaihlak thei zawnga kawng sira lirthei park phaI a ni lo.
Hei hian Notification lo chhuah tawh No.RO/TRF/SP-Noti-7/08/206 Dt.21.2.2018 a luahlan nghal ang.
A chunga thupek hian chhiatrupna thil, kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang a, a tul dan angin a hmuna duty Traffic Police ten ruahmanna an siam thei bawk ang. He thupek zawmlo chu Dan angin an chungah action lak theih a ni bawk ang.
